• ການກະຈາຍການລົງທຶນແມ່ນຈຳເປັນຫຼືບໍ່?

ບອກໄດ້ເລີຍແມ່ນມີຄວາມຈຳເປັນ ແລະ ມີປະໂຫຍດເປັນຢ່າງຫຼາຍໂດຍສະເພາະກັບນັກລົງທຶນ ທີ່ເລີ່ມຕົ້ນລົງທຶນ ແລະ ຜູ້ທີ່ຕ້ອງການຮັກສາເງີນຕົ້ນໃຫ້ປອດໄພຫຼາຍທີ່ສຸດເທົ່າທີ່ຈະເປັນໄປໄດ້ ແຕ່ບໍ່ວ່າແນວໃດກໍ່ຕາມອາດຈະເຮັດໃຫ້ເສຍໂອກາດໃນການໄດ້ຮັບຜົນຕອບແທນໃນລະດັບທີ່ສູງ

ການກະຈາຍການລົງທຶນຖືເປັນນຶ່ງໃນຫຼັກການທີ່ນັກລົງທຶນຄວນເຮັດ ເນື່ອງຈາກເປັນການຫຼຸດຄວາມສ່ຽງ ເຊິ່ງນັກລົງທຶນມີການລົງທຶນໂດຍບໍ່ກະຈາຍຄວາມສ່ຽງເລີຍ. ແລະ ການລົງທຶນນັ້ນລົ້ມເຫຼວ ຈະເຮັດໃຫ້ນັກລົງທຶນບໍ່ມີໂອກາດ ທີ່ຈະຕໍ່ຍອດການລົງທຶນຜ່ານຊ່ອງທາງ ຫຼື ໂຕເລືອກອື່ນໆ ນອກຈາກນີ້ແມ່ນຍັງເພີ່ມໂອກາດທີ່ຈະຊ່ວຍໃຫນັກລົງທຶນສາມາດໃຫ້ໄດ້ຮັບຜົນຕອບແທນຫຼາຍຂື້ນອີກດ້ວຍ ເພາະໃນການລົງທຶນແບບກະຈາຍການລົງທຶນ ຈະມີການລົງທຶນຫຼາຍບ່ອນບາງບ່ອນອາດມີຜົນຕອບແທນທີ່ຫຼາຍກ່ວາ ດັ່ງນັ້ນຫາກມີການລົງທຶນແບບຊ່ອງທາງດຽວໄປໃນແຫຼ່ງທີ່ໃຫ້ຜົນຕອບແທນໜ້ອຍ ກໍ່ຈະເສຍໂອກາດທີ່ຈະໄດ້ຜົນຕອບແທນຫຼາຍຂື້ນນັ້ນເອງ

ເຖິງແນວໃດກໍ່ຕາມ ການກະຈາຍການລົງທຶນອາດບໍ່ສຳເລັດສະເໜີໄປ ເພາະກໍ່ມີບາງຄົນສ່ວນທີ່ປະສົບຄວາມສຳເລັດກັບການລົງທຶນໃນແຫຼ່ງດຽວເຊັ່ນກັນ ແຕ່ການກະຈາຍການລົງທຶນຈະຊ່ວຍໃຫ້ນັກລົງທຶນສາມາດລົງທຶນໄດ້ມີລະບົບ, ເພີມຄວາມຍືດຍຸ່ນໃນການລົງທຶນ ລວມເຖິງຄວບຄຸມຄວາມສ່ຽງໄດ້ດີຫຼາຍກ່ວາການລົງທຶນໃນບ່ອນດຽວໄດ້ຢ່າງແນ່ນອນ

• ວິທີການກະຈາຍການລົງທຶນງ່າຍໆ ດ້ວຍໂຕເຮົາເອງ

ວິທີການກະຈາຍການລົງທຶນງ່າຍໆສາມາດເຮັດໄດ້ໂດຍ

• • • ການກະຈາຍຄວາມສ່ຽງໄປໃນຫຼາຍສິນຊັບ: ຫາກເວົ້າເຖິງການລົງທຶນ ນັກລົງທຶນມີໃໝ່ອາດຈະນຶກເຖິງຫຸ້ນ ແຕ່ໃນຄວາມເປັນຈິງການລົງທຶນນັ້ນມີຫຼາກຫຼາຍຮູບແບບຫຼາຍ ບໍ່ວ່າຈະເປັນ ຫຸ້ນ, ສະກຸນເງີນ, ທອງຄຳ, ອາສັງຫາ ຫຼື ການຝາກເງີນກິນດອກເບ້ຍ ກໍ່ຖືເປັນການລົງທຶນເຊັ່ນດຽວກັນ ດັ່ງນັ້ນ ສິ່ງທີ່ງ່າຍທີ່ສຸດທີ່ນັກລົງທຶນສາມາດເຮັດໄດ້ຄື ການນຳເອົາຂໍ້ມູນ ຜົນຕອບແທນ ຄວາມສ່ຽງ ຂອງແຕ່ລະສິນຊັບທີ່ຈະລົງທຶນ ມາປຽບທຽບວິເຄາະ ເພື່ອທີ່ຈະສາມາດປະເມີນການລົງທຶນໄດ້ຢ່າງເໝາະສົມ ເພື່ອກຳຈັດຄວາມສ່ຽງໃຫ້ໄດ້ຫຼາຍທີ່ສຸດ

• • • ການກະຈາຍຄວາມສ່ຽງໃນແຕ່ລະປະເພດສິນຊັບ: ນອກຈາການກະຈາຍຄວາມສ່ຽງໃນຕະຫຼາດສິນຊັບແລ້ວ ນັກລົງທຶນຍັງສາມາດກະຈາຍຄວາມສ່ຽງໃນແຕ່ລະປະເພດສິນຊັບໄດ້ອີກເຊັ່ນໃນຕະຫຼາດຫຸ້ນ ນັກລົງທຶນອາດມີຫຸ້ນຫຼາຍຫຸ້ນທີ່ມີການວິເຄາະແລ້ວວ່າໃນອານາຄົດຈະມີການຈະເລີນເຕິບໂຕໄດ້ດີກໍ່ສາມາດກະຈາຍຄວາມສ່ຽງໄດ້ໂດຍການລົງທຶນກັບຫຸ້ນຫຼາຍໆໂຕບໍ່ຈຳເປັນລົງທຶນຫຸ້ນໂຕດຽວ ເພາະຄວາມສ່ຽງຈະມີສູງ ຫຼື ການລົງທຶນຜ່ານກອງທຶນພາຍໃນປະເທດ ຫາກຄຳນວນແລ້ວວ່າກອງທຶນຂອງຕ່າງປະເທດ ມີໂອກາດທີ່ຈະເຮັດກຳໄລໄດ້ ກໍ່ສາມາດແບ່ງການລົງທຶນ  ກັບກັບທຶນຕ່າງປະເທດເພື່ອກະຈາຍຄວາມສ່ຽງໄດ້ອີກ

• • • ການກະຈາຍໃນເລື່ອງຂອງຈັງຫວະການລົງທຶນ: ໃນການລົງທຶນມັກມີຫຼາຍປັດໃຈທີ່ເຮັດໃຫ້ນັກລົງທຶນອາດຮີບຮ້ອນ ແລະ ຫຼົງໃນການລົງທຶນໄປເພາະຢ້ານທີ່ຈະພາດໂອກາດ ຫຼື ຄິດວ່າໂອກາດນັ້ນແມ່ນຈະບໍ່ກັບມາອີກ ເຊິ່ງບາງຄັ້ງກໍ່ອາດເປັນເລື່ອງທີ່ດີເພາະໄດ້ຜົນຕອບແທນອອກມາດີ ແຕ່ບາງຄັ້ງການລົງທຶນແບບບໍ່ສົນໃຈເລື່ອງຈັງຫວະການລົງທຶນ ອາດສົ່ງຜົນເສຍກັບມາໃຫ້ກັບນັກລົງທຶນໄດ້ ໂດຍການລົງທຶນແບບ DCA ຄືການລົງທຶນເປັນລະບົບ ແບບສະເລ່ຍເທົ່າໆກັນ ທຸກຮອບການລົງທຶນ ໂດຍບໍ່ສົນໃຈປັກໃຈພາຍນຶກ ຫຼື ລາຄາທີ່ມີການປັບໂຕຂື້ນລົງຢ່າງຮຸນແຮງໃນຕະຫຼາດ ວິທີນີ້ຈະຊ່ວຍໃຫ້ນັກລົງທຶນສາມາດຢັບຢັ້ງຊັ່ງໃຈໃນການລົງທຶນ ແລະ ມີວິໃນຫຼາຍຂື້ນ ລວມເຖິງ ລວມເຖິງເຫັດໃຫ້ມີຄວາມສ່ຽງທີ່ຈະລົງທຶນໄປຕາມສະພາວະຂອງຕະຫຼາດໂດຍທີ່ບໍ່ເບິ່ງເຖິງປັດໃຈດ້ານອື່ນ

• ໂຕຢ່າງການກະຈາຍການລົງທຶນ

ໂຕຢ່າງການກະຈາຍກອງທຶນ ທ່ານ “ກ” ມີເງີນ 100,000,000 ກີບ, ແບ່ງການລົງທຶນໄປກັບຕະຫຼາດຫຸ້ນ 50,000,000 ກີບ, ການລົງທຶນແບບກາສານໜີ້ 25,000,000 ກີບ ແລະ ລົງທຶນຜ່ານກອງທຶນປະສົມອີກ 25,000,000 ກີບ, ຈະມີສັດສ່ວນລົງທຶນຕະຫຼາດຫຸ້ນ 50%, ກາສານໜີ້ 25%, ກອງທຶນແບບປະສົມ 25%, ຫາກໃນທ້າຍທີ່ສຸດໄດ້ຜົນຕອບແທນຈາກຕະຫຼາດຫຸ້ນ  10% (5,000,000 ກີບ) ຂາດທຶນຈາກກາສານໜີ 5% (1,250ມ000 ກີບ) ຂາກທຶນຈາກກອງທຶນປະສົມ 1% (250,000 ກີບ) ສະແດງໃຫ້ເຫັນວ່າເຖິງແມ່ນວ່າຈະມີການຂາດທຶນຈາກກອງທຶນກາສານໜີ້ ແລະ ກອງທຶນປະສົມ ໃນທີ່ສຸດເມື່ອງລວມຜົນຕອບແທນ ກຳໄລ-ຂາດທຶນ. ແຕ່ລະການລົງທຶນກໍ່ຍັງມີຜົນຕອບແທນເປັນຜົນບວກ 5,000,000 – 1,250,000 – 250,000 = 3,500,000 ກີບ

• ເຫດຜົນທີ່ຕ້ອງມີການກະຈາຍການລົງທຶນ

ເຫດຜົນທີ່ຈະຕ້ອງມີການກະຈາຍການລົງທຶນ ເພື່ອໃຫ້ນັກລົງທຶນສາມາດຫຼຸດຄວາມສ່ຽງໃນການຂາດທຶນ ຫາກລົງທຶນໄປກັບກອງທຶນດຽວ ແລະ ກອງທຶນນັ້ນທີການຂາດທຶນ ໂດຍຫາກມີການກະຈາຍກອງທຶນໄປໃນຫຼາຍການລົງທຶນ ເຖິງແມ່ນວ່າຈະມີການການທຶນໄປແດ່ໃນການລົງທຶນ ແຕ່ຫາກມີກອງທຶນທີ່ໄດ້ຜົນກຳໄລຫຼາຍກວ່າກອງທຶນທີ່ຂາດທຶນ ໂດຍລວມຝອດຂອງນັກລົງທຶນກໍ່ຍັງຖືວ່າຍັງໄດ້ກຳໄລຢູ່ດີ ດັ່ງນັ້ນເຫດຜົນຫຼັກການລົງທຶນແບບມີລະບົບຫຼາຍຂື້ນ

• ສະຫຼຸບບົດຄວາມ

ການກະຈາຍການລົງທຶນເປັນນຶ່ງໃນເທັກນິກທີ່ມີການໃຊ້ກັນບໍ່ວ່າຈະທັງກັບນັກລົງທຶນມືໃໝ່ ແລະ ນັກລົງທຶນທີ່ປະສົບຄວາມສຳເລັດລະດັບໂລກ ເນື່ອງຈາກເປັນເທັກນິກການລົງທຶນທີ່ມີປະສິດທິພາບ ແລະ ສາມາດຫຼຸດຄວາມສ່ຽງໃນການລົງທຶນໃຫ້ກັບນັກລົງທຶນໄດ້ເປັນຢ່າງດີ ນອກຈາກນີ້ເປັນວິທີທີ່ເຂົ້າໃຈບໍ່ຍາກ ແລະ ມີປະໂຫຍດເປັນຢ່າງຍິ່ງ ທີ່ຈະຊ່ວຍໃຫ້ນັກລົງທມີວິໃນ ແລະ ສ້າງແບບແຜນຫຼືລະບົບການລົງທຶນໃຫ້ມີປະສິດທິພາບໄດ້ ບົດຄວາມນີ້ກໍ່ຂໍຈົບພຽງແຕ່ເທົ່ານີ້.

Credit: https://uhas.com/investment-diversification/#%E0%B8%81%E0%B8%B2%E0%B8%A3%E0%B8%81%E0%B8%A3%E0%B8%B0%E0%B8%88%E0%B8%B2%E0%B8%A2%E0%B8%81%E0%B8%B2%E0%B8%A3%E0%B8%A5%E0%B8%87%E0%B8%97%E0%B8%B8%E0%B8%99%E0%B8%88%E0%B9%8D%E0%B8%B2%E0%B9%80%E0%B8%9B%E0%B9%87%E0%B8%99%E0%B8%AB%E0%B8%A3%E0%B8%B7%E0%B8%AD%E0%B9%84%E0%B8%A1%E0%B9%88