ປະຫວັດຄວາມເປັນມາ ” ກຣາບແທ່ງທຽນ ” ການວິເຄາະທາງດ້ານເທັກນິກໂດຍອາໃສ ກຣາບແທ່ງທຽນນັ້ນ ເຈົ້າຂອງທີ່ມາແມ່ນຄົນປະເທດຍີປຸ່ນ ເຊິ່ງທ່ານ ມີຊື່ວ່າ Mr. Munehisa Homma ເຊິ່ງມີຄວາມເປັນມາຄື ເມື່ອຄັ້ງກ່ອນໃນສະໄໝອາດີດຊ່ວງປະມານ 200 ກວ່າປີກ່ອນ ທ່ານ ແມ່ນໄດ້ເຮັດທຸລະກິດກ່ຽວກັບເຂົ້າປະສົບຄວາມສຳເລັດ ແລະ ລໍ້ລວຍ

ລັດຖະບານ ຍີປຸ່ນ ສະໄໝນັ້ນຈິ່ງໄດ້ແຕ່ງຕັ້ງໃຫ້ທ່ານເປັນທີ່ປຶກສາດ້ານການເງີນ ໂດຍທ່ານ Munehisa Homma ເກີດໃນປີ 1724 ໃນຄອບຄົວທີ່ລໍ້າລວຍ ແລະ ເຮັດທຸລະກິດກ່ຽວກັບເຂົ້າ ທ່ານ ມີຄວາມຊ່ຽວຊານ ເລື່ອງການຄ້າເຂົ້າ ມີຄວາມເຂົ້າໃຈໃນຕະຫຼາດ ເຂົ້າເຖິງ ແລະ ຮູ້ຊຶ້ງໃນອາລົມຂອງຜູ້ຊື້ເປັນຢ່າງດີ.

ດ້ວຍການເກັບ ແລະ ຮວບຮວມຂໍ້ມູນ ນິໃສຂອງຜູ້ຊື້ ແລະ ຜູ້ຂາຍ ໃນແຕ່ລະຄັ້ງ ມາເຮັດການວິໃຈທາງດ້ານຈິດວິທະຍາ ແລະ ກຳນົດໃຫ້ຢູ່ໃນ ” ຮູບແບບກຣາບແທ່ງທຽໜ “ ເຮັດການເກັບປະຫວັດ ແລະ ສະຖິຕິ ຈາກນັ້ນນຳໄປຄຳນວນສຶກສາຫາແນວໂນ້ມຕ່າງໆ ເພື່ອປະກອບໃນການຕັດສິນໃຈທີ່ຖືກຕ້ອງຂື້ນ.

ເຫດຜົນໂດຍສະຫຼຸບ ທີ່ນັກລົງທຶນສ່ວນຫຼາຍນິຍົມນຳ ກຣາບແທ່ງທຽນ ມາວິເຄາະໃນທາງເທັກນິກ ເພື່ອຊ່ວຍໃນການຕັກສິນໃຈຄື:

• ກຣາບແທ່ງທຽນ “ Candlesticks ” ມີຂໍ້ມູນພຽງພໍສຳຫຼັບການວິເຄາະເພື່ອໃຊ້ສຳຫຼັບການຊື້ຂາຍສະເພາະ ປະກອບໄປດ້ວຍ ລາຄາເປີດ, ລາຄາປິດ, ລາຄາສູງສຸດ ແລະ ລາຄາຕໍ່າສຸດ ໂດຍນຳຂໍ້ມູນທັງໝົດມາສ້າງເປັນກຣາບແທ່ງທຽນດຽວ.
• ການແທ່ງທຽນ 1 ແທ່ງ ສາມາດອະທິບາຍອາລົາ ແລະ ບັນຍາການການຊື້ຂາຍໃນຕະຫຼາດໄດ້ເປັນຢ່າງດີ
• ກຣາບແທ່ງທຽນ ສາມາດບອກໄດ້ວ່າການຊື້-ຂາຍ ໃນເວລານັ້ນ ໃຜມີພະລັງຫຼາຍກວ່າກັນລະຫວ່າງ ກະທິງ ກັບ ໝີ ຫຼື ອີກໃນນຶ່ງນັ້ນກໍ່ຄື ມີແຮງສົ່ງໄປທາງຂື້ນ ຫຼື ລົງ ນັ້ນເອງ.
• ສາມາດບອກໄດ້ວ່າ ຊ່ວງເວລາຕໍ່ຈາກນີ້ໄປ ມີໂອກາດທີ່ກຣາບຈະເປັນຂາຂື້ນ ຫຼື ຂາລົງ ເຊິ່ງໝາຍຄວາມວ່າ ໂຕກຣາບແທ່ງທຽນສາມາດອ່ານສັນຍານຊື້ຂາຍໄດ້້ວຍຕົວຂອງມັນເອງ ໂດຍບໍ່ຈຳເປັນຕ້ອງມີດັດສະນີອື່ນໆເຂົ້າມາຊ່ວຍວິເຄາະໃນການຊື້ຂາຍ.

1. Piercing Pattern VS Dark Cloud Cover

ຂາຂື້ນ Piercing Pattern ເປັນຮູບແບບແທ່ງທຽນສີຂຽວຂອງຫຸ້ນ ຫຼື ຄ່າເງີນທີ່ຢູ່ໃນແທຣນຂາລົງ ໂດຍໂຕແທ່ງທຽນ ມີລັກສະນະຂ້ອນຂ້າງຍາວ ແລະ ມີລາຄາປິດທີ່ສູງເກີນກວ່າເຄິ່ງຂອງແທ່ງທຽນສີແດງກ່ອນໜ້າ ເຊິ່ງໂຕແທ່ງທຽນກ່ອນໜ້າທີ່ເປັນສີແດງນັ້ນກໍ່ມີຄວາມຍາວຢູ່ໃນລະດັບນຶ່ງ ແລ້ວມີລາຄາປິດເກືອບເຖິງລາຄາຕໍ່າສຸດຂອງແທ່ງທຽນທີ່ຢູ່ໃນເທຣນຂາລົງກ່ອນໜ້ານັ້ນເຊັ່ນກັນ ຮູບແບບແທ່ງທຽນທີ່ມີລັກສະນະເຊັ່ນນີ້ ບົ່ງບອກເຖິງສັນຍານກັບໂຕຂອງຫຸ້ນ ຫຼື ຄ່າເງີນທີ່ມີຄວາມຮຸນແຮງ ຄວາມໝາຍກໍ່ຄືອາດມີການປັບຕົວປ່ຽນທິດທາງຈາກຂາລົງເປັນຂາຂື້ນໄດ້.

 

ຂາລົງ Dark Cloud Cover ເປັນຮູບແບບແທ່ງທຽນແດງຂອງຫຸ້ນ ຫຼື ຄ່າເງີນທີ່ຢູ່ໃນແທຣນຂາຂື້ນ ໂດຍໂຕແທ່ງທຽນ ມີລັກສະນະຂ້ອນຂ້າງຍາວ ແລະ ມີລາຄາປິດທີ່ສູງເກີນກວ່າເຄິ່ງຂອງແທ່ງທຽນສີຂຽວກ່ອນໜ້າ ເຊິ່ງໂຕແທ່ງທຽນກ່ອນໜ້າທີ່ເປັນສີຂຽວນັ້ນກໍ່ມີຄວາມຍາວຢູ່ໃນລະດັບນຶ່ງ ແລ້ວມີລາຄາປິດເກືອບເຖິງລາຄາສູງສຸດຂອງແທ່ງທຽນທີ່ຢູ່ໃນເທຣນຂາຂື້ນກ່ອນໜ້ານັ້ນເຊັ່ນກັນ ຮູບແບບແທ່ງທຽນທີ່ມີລັກສະນະເຊັ່ນນີ້ ບົ່ງບອກເຖິງສັນຍານກັບໂຕຂອງຫຸ້ນ ຫຼື ຄ່າເງີນທີ່ມີຄວາມຮຸນແຮງ ຄວາມໝາຍກໍ່ຄືອາດມີການປັບຕົວປ່ຽນທິດທາງຈາກຂາຂື້ນເປັນຂາລົງໄດ້.

 

2. Morning star pattern VS Bearish Evening Star

ຂາຂື້ນ Morning Star Parrern ລັກສະນະ ແມ່ນກົງກັນຂ້າມ Evening Star ໂດຍທີ່ເກີດຕອນຕະຫຼາດຂາລົງ ໂດຍປະກອບດ້ວຍແທ່ງທຽນ 3 ແທ່ງທຽນ ແທ່ງທຳອິດເປັນແທ່ງສີແດງຂະໜາດໃຫຍ່ ຕາມາດ້ວຍແທ່ງທຽນສີຂຽວເປັນຊ່ອງວ່າງ ແລະ ຕາມມາດ້ວຍແທງທຽນສີຂຽວເປັນຊ່ອງວ່າງ ແລະ ມີລາຄາປິດຢູ່ພາຍໃນຂອບເຂດໂຕທຽນແທກທຳອີດ ໝາຍຄວາມວ່າ: ບອກວ່າຕະຫຼາດຫຸ້ນປ່ຽນແນວໂນ້ມເປັນ.

 

ຂາລົງ Bearish Evening Star  ລັກສະນະມີແທ່ງທຽນສີຂຽວ ທີ່ຕາມມາດ້ວຍແທ່ງທຽນທີ່ມີໂຕທຽນຂະໜາດນ້ອຍ ໂດຍຈະເປັນສີດຳ ຫຼື ຂາວກໍ່ໄດ້ ກະໂດດສູງຂື້ນຫ່າງໄປຈົນເປັນຊ່ອງວ່າງ ແລະ ມີແທ່ງທຽນສີແດງເກີດຂື້ນຕາມຕໍ່ລົງມາຈົນເປັນຊ່ອງວ່າງຄືກັນ ໂດຍລາຄາປິດຂອງແທ່ງທຽນສີແດງທີ່ 3 ນີ້ຈະຢູ່ພາຍໃນຂອບເຂດໂຕທຽນຂອງແທ່ງທຽນສີຂຽວອັນທຳອິດ ໝາຍຄວາມວ່າ: ບອກແນວໂນ້ມຫຸ້ນທີ່ຂື້ນມາຈະປ່ຽນເປັນຂາລົງ.

 

3. Morning doji star pattern VS Bearish Evening Doji Star

ຂາຂື້ນ Morning oji star pattern ລັກສະນະຮູບແບບຄືກັນກັບ Morning star ຕ່າງກັນພຽງໂຕກາງປ່ຽນຈາກແທ່ງທຽນຂະໜາດນ້ອຍເປັນ Doji ແທນ ໝາຍວ່າ ຄືກັນກັບ Morning star ແຕ່ແນວໂນ້ມຄືຄ່າເງີນທີ່ຈະຂື້ນມີນໍ້າໜັກຫຼາຍກວ່າ.

 

 

ຂາລົງ Bearish Evening Doji Star ລັກສະນະຮູບແບບຄືກັນກັບ Evening Star ຕ່າງກັນພຽງໂຕກາງປ່ຽນຈາກແທ່ງທຽນຂະໜາດນ້ອຍເປັນ Doji ແທນ ຄວາມໝາຍ ຄືກັນກັບ Evening star ແຕ່ມີນໍ້າໜັກປ່ຽນແນວໂນ້ມຈາກຂື້ນເປັນລົງຫຼາຍກວ່າ.

 

 

4. Bullish Engulfing VS Bearish engulfing

ຂາຂື້ນ Bullish Engulfing ເປັນຮູບແບບທີ່ມີແທ່ງທຽນ ແທ່ງທີ 2 (ແທ່ງສີຂຽວຂວາມື) ມີຂະໝາດໂຕແທ່ງຍາວກ່ອນໂຕທຳອິດ (ແທ່ງສີແດງ) ຕາມຄວາມໝາຍຂອງ Engulfing. ຄືການກືນກິນ ຫຼື ອ້ອມຮອບ ຄອບງໍາ ໃນການພິຈາລະນານັ້ນຈະບໍ່ກ່ຽວກັບໃສ້ທຽນ (Shadow) ລັກສະນະ Engulfing ທີ່ດີສຸດຄື ແທ່ງໂຕທຳອິດ (ສີແດງ) ຄວນຈະນ້ອຍ ສັ້ນໆ ສ່ວນແທ່ງທີ 2 ສີຂຽວ ຄວນຈະຍາວໆ ແລະ ເພື່ອຄວາມໝັ້ນໃຈອາດຈະລໍການຢັ້ງຢືນຈາກແທ່ງທີ 2-3 (ສີຂຽວ) ໃນມື້ຕໍ່ໄປ ໂດຍແທ່ງຕ້ອງຍາວຂື້ນ ແລະ ມີແຮງຊື້ໜາແໜ້ນເພີ່ມຂື້ນ ເຊັ່ນເປີດລາຄາກະໂດຍຈົນມີ Gap ໝາຍວ່າ ບອກແຮງຊື້ຂອງຫຸ້ນ ຫຼື ຄ່າເງີນເພີ່ມຫຼາຍຂື້ນຂາຂື້ນກຳລັງມີອິດທິພົນສາມາດເອົາຊະນະຂາລົງໄດ້.

ຂາລົງ Bearish engulfing ກໍລະນີກົງກັນຂ້າມກັບ Bullish engulfing ຄືເກີດແທ່ງທຽນສີແດງຂື້ນ ໂດຍມີລັກສະນະຄອບງໍາກຶນກີນແທ່ງເກົ່າທີ່ເປັນສີຂຽວ ສ່ວນຮູບແບບຂອງ Bearish engulfing ທີ່ດີທີ່ສຸດກໍ່ເຊັ່ນກັນຄື ແທ່ງເກົ່າ (ສີຂຽວ) ຄວນຈະສັ້ນໆ ເພື່ອຄວາມແມ້ນຢໍາຂື້ນ ຄວນເບິ່ງຄວາມໜາແໜ້ນຂອງການຂະຫຍາຍຂອງແທ່ງທຽນໃນອີກ ສອງ ຫາ ສາມມື້ຕໍ່ໄປ ໝາຍວ່າ: ບອກເລີ່ມມີແຮງຂາຍເຂົ້າມາໃນຈຳນວນຫຼາຍ ຕອນນີ້ຂາລົງສາມາດຊະນະຂາຂື້ນໄດ້ແລ້ວ ມີຈຳນວນເພີ່ມຫຼາຍຂື້ນ.

 

5. Bullish Harami VS Bearish Harami

ຂາຂື້ນ Bullish Harami ຮູບແບບແທ່ງທຽນຈະຄືກັນກັບຄົນທ້ອງ ເຊິ່ງມາຈາກຄຳວ່າ “ Harami ” ເປັນພາສາ ຍີປຸ່ນ ທີ່ໃຊ້ເອີ້ນຄົນທ້ອງຈະປະກອບດ້ວຍແທ່ງທຽນໃນມື້ທຳອິດ (ສີແດງ) ທີ່ຍາວກວ່າ ຕາມມາດ້ວຍທ່ຽງທຽນມື້ທີສອງຫຼ້າສຸດທີ່ສັ້ນກວ່າ (ສີຂຽວ) ປັດໃຈສຳຄັນຄືສັດສ່ວນຂອງແທ່ງທຽນ ທັງສອງແມ່ນຕ່າງກັນຫຼາຍ ຈິ່ງບໍ່ສາມາດຢືນຢັນການກັບທິດທາງຂອງຫຸ້ນ ຫຼື ຄ່າເງີນໄດ້ ສະນັ້ນຈິ່ງຕ້ອງລໍການຢືນຢັນຈາກແທ່ງທຽນໃນມື້ທີສາມ ໃນການຢືນຢັນການກັບທິດທາງຂອງ ຄ່າເງີນ ຫຼື ຫຸ້ນ ທີ່ຈະແຈ້ງຄື ແທ່ງທຽນ ໂຕທີສາມຈະຕ້ອງເປັນສີຂຽ ແລະ ມີລາຄາປະດແບບກະໂດດຈາກແທ່ງເກົ່າ (ສີຂຽວ) ມາຢູ່ໃນລາຄາປິດຂອງແທ່ງ ສີຂຽວໂຕທີສາມໃນລາຄາທີ່ສູງຂື້ນໄປຫຼາຍໆ

ຂາລົງ Bearish Harami ຮູບແບບແທ່ງທຽນຈະຄືກັນກັບຄົນທ້ອງ ເຊັ່ນດຽວກັບ Harami ຂາຂື້ນ ຈະປະກອບດ້ວຍແທ່ງທຽນໃນມືທຳອິດ (ສີຂຽວ) ທີ່ຍາວກວ່າແທ່ງທຽນມື້ທີສອງ (ສີແດງ) ປັດໃຈສຳຄັນແມ່ນຄືສັດສ່ວນຂອງແທ່ງທຽນທັງສອງຕ່າງກັນຫຼາຍ ຈິ່ງຍັງບໍ່ສາມາດຢືນຢັນການກັບທິດທາງຂອງຫຸ້ນ ຫຼື ຄ່າເງີນໄດ້ ສະນັ້ນຈິ່ງຕ້ອງລໍການຢືນຢັນຈາກແທ່ງທຽນໃນມື້ທີສາມ ໃນການຢືນຢັນໃນການກັບທິດທາງຂອງຄ່າເງີນ ຫຼື ຫຸ້ນທີ່ຈະແຈ້ງກວ່ານັ້ນ ແທ່ງທຽນໂຕທີສາມຈະຕ້ອງເປັນສີແດງ ແລະ ມີລາຄາປິດເປີດແບບກະໂດດຈາກແທ່ງເກົ່າ (ສີແດງ) ມາຢູ່ໃນລາຄາປິດຂອງແທ່ງສີແດງໂຕທີສາມ ໃນລາຄາທີ່ສູງຂື້ນໄປຫຼາຍໆ.

 

6. Bullish Harami Cross VS Bearish Harami Cross

ຂາຂື້ນ Bullish Harami Cross ເກີດ Doji Line (ລາຄາເປີດກັບປິດເທົ່າກັນ) ໃນມື້ຫຼ້າສຸດ ຄືການກະໂດດລົງຫ່າງຈາກແທ່ງທຽນສີແດງ ກ່ອນໜ້າ (ມື້ທຳອິດ) ຈົນເປັນຊ່ອງວ່າງໃນການພິຈາລະນານັ້ນ ຄວາມສູງ-ຕໍ່າ ຂອງໃສ້ທຽນ Doji ຈະບໍ່ກ່ຽວ. ຄວາມໝາຍ: ບອກແນວໂນ້ມຫຸ້ນ ຫຼື ຄ່າເງີນທີ່ລົງມາອາດຈະປ່ຽນເປັນຂື້ນ ແລະ ຖ້າຈະໃຫ້ໝັ້ນໃຈຫຼາຍຍິ່ງຂື້ນ ຄວນມີແທ່ງທຽນຕາມມາ (ມື້ທີສາມ) ໂດຍມີລາຄາປິດແບບກະໂດຍ Gap ຫຼື ມີລາຄາປິດສູງຂື້ນຈາກ Doji.

 

ຂາລົງ Bearish Harami Cross ເກີດ Doji Line (ລາຄາເປີດກັບປິດເທົ່າກັນ) ກະໂດດຂື້້ນຫ່າງຈາກແທ່ງທຽນສີຂຽວກ່ອນໜ້າ ຈົນເປັນຊ່ອງວ່າງໂດຍໃສ້ທຽນຂອງ Doji ຈະຫ່າງຈາກແທ່ງທຽນສີຂາວ ຫຼື ບໍ່ກໍ່ໄດ້. ຄວາມໝາຍ: ບອກແນວໂນ້ມຫຸ້ນທີ່ຂື້ນມາອາດຈະປ່ຽນເປັນຂາລົງ ຫາກຈະໃຫ້ໝັ້ນໃຈຫຼາຍຂື້ນກວ່ານີ້ ຫຼັງຈາກມື້ນີ້ແລ້ວ ແທ່ງທຽນນຄວນຈະປ່ຽນເປັນສີແດງເກີດຂື້ນຕາມມາຖືເປັນການຢືນຢັນ.

 

7. Bullish Harami Cross VS Bearish Harami Cross

ຂາຂື້ນ Bullish Doji Star ຄືຮູບແບບແທ່ງທຽນທີ່ເກີດເປັນ Doji Line ຂື້ນ (ລາຄາເປີດກັບປິດເທົ່າກກັນ) ມີການກະໂດດລົງຫ່າງຈາກແທ່ງທຽນສີແດງກ່ອນໜ້າຈະເປັນຊ່ອງວ່າງ ໂດຍໃສ້ທຽນຂອງ Doji ຈະຫ່າງ ຫຼື ບໍ່ຫ່າງຈາກແທ່ງທຽນສີແດງກໍ່ໄດ້. ຄວາມໝາຍ: ບອກແນວໂນ້ມ ຫຸ້ນ ຫຼື ຄ່າເງີນ ທີ່ລົງມາອາດຈະປ່ຽນເປັນຂາຂື້ນ ແລ ຈະມີຄວາມໜ້າເຊື່ອຖືຫຼາຍຂື້ນຖ້າມີແທ່ງທຽນສີຂຽວເກີດຂື້ນຕາມມາ.

 

ຂາລົງ Bearish Doji Star ຄືຮູບແບບແທ່ງທຽນທີ່ເກີດເປັນ Doji Line ຂື້ນ (ລາຄາເປີດກັບປິດເທົ່າກັນ) ມີການກະໂດດຂື້ນຫ່າງຈາກແທ່ງທຽນສີຂຽວກ່ອນໜ້ານີ້ຈົນເປັນຊ່ອງວ່າງ ໂດຍໃສ້ທຽນຂອງ Doji ຈະຫາງ ຫຼື ຫ່າງຈາກແທ່ງທຽນສີຂຽວກໍ່ໄດ້. ຄວາມໝາຍ: ບອກແນວໂນ້ມຫຸ້ນ ຫຼື ຄ່າເງີນທີ່ຂື້ນມາອາດຈະປ່ຽນເປັນຂາລົງ ແລະ ຈະມີຄວມໜ້າເຊື່ອຖືຫຼາຍຂື້ນຖ້າມີແທ່ງທຽນສີແດງເກີດຂື້ນຕາມມາ.

 

8. Bullish Dragonfly Doji VS Bearish Dragonfly Doji

ຂາຂື້ນ Bullish Dragonfly Doji ເປັນຮູບແບບແທ່ງທຽນທີ່ບໍ່ມີ Body ມີລັກສະນະຄ້າຍໆກັບ Hammer ເກີດຂື້ນຈາກຈຸດທີ່ຕໍ່າສຸດ ຫຼື ຢູ່ໃນຊ່ອງວ່າງຂາລົງ Downtrend ປັດໃຈທີ່ສຳຄັນ ຮູບບແບບ Dragonfly Doji ຈະມີຄວາມໜ້າເຊື່ອຖືຫຼາຍຂື້ນ ຖ້າແທ່ງທຽນຕໍ່ໄປເປັນສີຂຽວ ແລະ ປິດດ້ວຍລາຄາທີ່ເກີດ Gap ຫຼື ລາຄາທີ່ປິດໃນລະດັບສູງກວ່າ Dragonfly Doji ຫຼາຍໆ ກໍ່ຈະເປັນການຢືນຢັນການກັບໂຕເປັນຂາຂື້ນໄດ້ເປັນຢ່າງດີ.

 

ຂາລົງ Bearish Dragonfly Doji ລັກສະນະເປັນຮູບແບບແທ່ງທຽນນຶ່ງແທ່ງເກີດຂື້ນທີ່ຈຸດສູງສຸດ ຫຼື ໃນຊ່ວງຂາຂື້ນ Uptrend ເຊິ່ງຮູບແບບ Dragonfly ກໍ່ຄ້າຍຄື Hanging man ເຊັ່ນກັນ ຕ່າງກັນບ່ອນທີ່  Dragonfly ບໍ່ມີແທ່ງ Body ແຕ່ Hanging man ຈະມີແທ່ງນ້ອຍຢູ່ນໍາ Small body ປັດໃຈສຳຄັນຮູບແບບ Bearish Dragonfly Doji ຈະມີຄວາມໜ້າເຊື່ອຖືຫຼາຍຂື້ນ ຖ້າມີແທ່ງທຽນສີແດງເກີດຂື້ນຕາມມາ ແລະ ຍິ່ງຖ້າລາຄາທີ່ເປີດເກີ Gap ຫຼື ລາຄາປິດ ທີ່ລະດັບຕໍ່າກວ່າ Dragonfly Doji ຫຼາຍໆ ກໍ່ເທົ່າກັບວ່າ ອັນນັ້ນແມ່ນການຢືນຢັນການກັບໂຕເປັນຂາລົງຢ່າງຊັດເຈນ.

9. Hammer VS Hanging Man

ຂາຂື້ນ Hammer ລັກສະນະຮູບຮ່າງຄືກັນກັບ Hanging Man ແຕ່ຕ່າງກັນທີ່ Hammer ເກີດຂື້ນຕອນຂາລົງ (Dowtrend) ໂຕເນື້ອທຽນຈະເປັນສີຂຽວ ຫຼື ສີແດງກໍ່ໄດ້ ມີຂະໜາດນ້ອຍທີ່ຍອດສູງຂອງມື້ ແລະ ມີໃສ້ທຽນດ້ານລຸ່ມ ມີຄວາມຍາວເປັນຢ່າງໜ້ອຍ 2 ເທົ່າຂອງແທ່ງທຽນ ສ່ວນໃສ້ທຽນດ້ານເທິງຈະມີ ຫຼື ບໍ່ມີກໍ່ໄດ້ (ຫາກມີແມ່ນຈະດີກວ່າ) ແທ່ງທຽນທີ່ຄືຮູບຄ້ອນນີ້ແມ່ນມັກຈະເກີດຂື້ນຕອນທີ່ມີປະລິມານການຂາຍເກີດຂື້ນ ແລ ເຮັດໃຫ້ລາຄາລົງຕໍ່າ ແຕ່ກ່ອນຕະຫຼາດປິດໄດ້ມີປະລິມານການຊື້ເຂົ້າມາຫຼາຍກວ່າການຂາຍໃນຕອນທຳອິດ ຈິ່ງເຮັດໃຫ້ສຸດທ້າຍແລ້ວກໍ່ປິດເປັນບວກ ຄວາມໝາຍວ່າ: ບອກວ່າແນວໂນ້ມຫຸ້ນ ຫຼື ຄ່າເງີນທີ່ລົງມາປ່ຽນເປັນຂາຂື້ນ.

ຂາລົງ Hanging Man ລັກສະນະຄືກັນກັບ Hammer ຫຼື ການແຂວນຄໍ ແລະ ລາຍລະອຽດອື່ນໆ ກໍ່ຄືກັນ ແຕ່ຕ່າງກັນບ່ອນທີ່ Hanging Man ຈະເກີດໃນຊ່ວງຂາຂື້ນ Uptrend. ຄວາມໝາຍຄື: ບອກເຖິງແນວໂນ້ມຫຸ້ນ ຫຼື ຄ່າເງີນທີ່ຂື້ນມາຈະປ່ຽນເປັນຂາລົງ

 

 

10. Bullish Inverted Hammer VS Shooting Star

ຂາຂື້ນ Bullish Inverted Hammer ຮູບແບບຄືກັນກັບ Hammer ແຕ່ເກີດຂື້ນໃນຕອນຂາລົງ ເວົ້າໄດ້ວ່າຄືເປັນແທ່ງທຽນ ທີ່ມີເນື້ອທຽນຂະໜາດນ້ອຍ ໂດຍຈະເປັນສີຫຍັງກໍ່ແລ້ວແຕ່ທີ່ເກີດຂື້ນທີ່ລະດັບລາຄາຕໍ່າສຸດຂອງມື້ ແລະ ມີໃສ້ທຽນທາງເທິງທີ່ຢ່າງໜ້ອຍຄວນມີຄວາມຍາວຫຼາຍກວ່າໂຕທຽນ Real body 2 ເທົ່າ.

 

ຂາລົງ Shooting Star ຮູບແບບໂຕແທ່ງທຽນຈະສັ້ນແຕ່ມີໃສ້ທາງເທິງຍາວ Upper Shadow ສ່ວນໃສ້ທາງລຸ່ມ Lower Shadow  ຈະສັ້ນຫຼາຍ ຫຼື ອາດຈະບໍ່ມີເລີຍກໍ່ໄດ້ (ຖ້າບໍ່ມີຈະດີກວ່າ) ຮູບແບບຂອງ Shooting Star ນີ້ຈະເກີດຂື້ນໃນຊ່ວງຕະຫຼາດຂາຂື້ນ ແລະ ແທ່ງທຽນພຽງແທ່ງດຽວຍັງບໍ່ສາມາດຢືນຢັນ ນໍ້າໜັກທິດທາງການກັບໂຕຂອງ ຫຸ້ນ ຫຼື ຄ່າເງີນ ຈາກຂື້ນເປັນລົງໄດ້ ຕ້ອງອາໃສແທ່ງທຽນໃນມື້ຖັດໄປ ທີ່ເປັນສີແດງອີກເທື່ອເພື່ອຄວາມໝັ້ນໃຈ.

 

11. Bullish Belt Hold VS Bearish Belt Hold

ຂາຂື້ນ Bullish Belt Hold ຮູບແບບຂອງແທ່ງທຽນເປັນແທ່ງສີຂຽວທີ່ມີລາຄາເປີດຕົກລົງມາຈາກມື້ກ່ອນໆຫຼາຍ ແລະ ບໍ່ມີໃສ້ທຽນດ້ານລຸ່ມເກີດຂື້ນເລີຍ Lower Shadow ຈາກນັ້ນມີແຮງຊື້ທີ່ດິງລາຄາຫຸ້ນ ຫຼື ຄ່າເງີນຂື້ນໄປໆ ຈົນໄປປິດຢູ່ຈຸດໃກ້ຄຽງກັບລະດັບລາຄາສູງສຸດຂອງວັນ ຈິ່ງເຮັດໃຫ້ເປັນລັກສະນະມີໃສ້ດ້ານເທິງພຽງສັ້ນໆ ເພື່ອຄວາມໝັ້ນໃຈໃນທິດທາງກັບຈາກຂາລົງເປັນຂາຂື້ນ ຄວນລໍແທ່ງທຽນສີຂຽວອີກໂຕທີ່ມີລາຄາປິດທີ່ສູງໆຂື້ນມາອີກເປັນການຢືນຢັນ.

ຂາລົງ Bearish Belt Hold ຮູບແບບຂອງແທ່ງທຽນເປັນສີແດງ ຄືມີລາຄາເປີດທີ່ສູງຂື້ນມາເລື້ອຍໆຈາມື້ກ່ອນຫຼາຍ ແຕ່ພໍມາເຖິງມື້ສຸດທ້າຍ ລາຄາເປີດບໍ່ເພີ່ມຂື້ນ ຄືຢູ່ກັບທີ່ເທົ່າເກົ່າ ເທົ່າກັບໃນລາຄາເປີດຂອງມື້ວານ ອີກທັງບໍ່ມີໃສ້ທຽນດ້ານເທິງເກີດຂື້ນເລີຍ (ລາຄາບໍ່ເພີ່ມຂື້ນ) ບວກກັບມີແຮງຂາຍກັບລາຄາຫຼຸດລົງເປັນຈຳນວນຫຼາຍຂື້ນ ຈົນດັນໃຫ້ລາຄາປິດຂອງຫຸ້ນ ຫຼື ຄ່າເງີນຕໍ່າລົງໄປເລື້ອຍໆຈົນໃກ້ເຖິງລາຄາຕໍ່າສຸດຂອງມື້ ຈິ່ງເກີດເປັນລັກສະນະມີໃສ້ທຽນສັ້ນໆບ່ອນດ້ານລຸ່ມຂອງແທ່ງທຽນ ເພື່ອຄວາມໝັ້ນໃຈຂອງທິດທາງການກັບໂຕຈາກຂາຂື້ນເປັນຂາລົງຄວນໃຫ້ເກີດແທ່ງທຽນສີແດງອີກຄັ້ງ ເປັນເປັນການຢືນຢັນ.

12. Bullish Gravestone Doji VS Bearish Gravestone Doji

ຂາຂື້ນ Bullish Gravestone Doji ລັກສະນະຂອງແທ່ງທຽນ Grave Srone Doji ເປັນຮູບແບບທີ່ມີລາຄາເປີດເທົ່າກັບລາຄາປິດ ຈະປະກອບດ້ວຍໃສ້ທຽນດ້ານເທິງ (Upper Shadow) ເທົ່ານັ້ນ ຈະບໍ່ມີໃສ້ທຽນດ້ານລຸ່ມ (Lower Shadow)  Grave Stone Doji ມີລັກສະນະຄ້າຍໆກັບ Inverted Hammer ຕ່າງກັນທີ່ Stone Doji ບໍ່ມີໂຕທີເປັນແທ່ງ (Body) ເພື່ອຄວາມໝັ້ນໃຈໃນທິດທາງການກັບໂຕຈາຂາລົງເປັນຂາຂື້ນຂອງລາຄາ ຫຸ້ນ ຫຼື ຄ່າເງີນ ຄວນລໍແທ່ງທຽນອີກໂຕທີ່ເປັນສີຂຽວເພື່ອເປັນການຢືນຢັນ ລວມທັງໃຫ້ມີລາຄາເປີດສູງ ກວ່າລາຄາປິດຂອງ Doji  ແລະ ຫາກເປີດດ້ວຍລາຄາ Gap ຫຼາຍເທົ່າໃດ ຍິ່ງເປັນກາຍຢືນຢັນການກັບໂຕແຮງຫຼາຍຂື້ນເທົ່ານັນ.

ຂາລົງ Bearish Gravestone Doji ຮູບແບບລັກສະນະ ແລະ ຄວາມໝາຍກໍ່ກົງກັນຂ້າມກັບ Byullish Gravestone Doji ຄືເກີດຂື້ນເປັນຮູບແບບ Bearish Gravestone Doji ເນືອງຈ່າກລາຄາເປີດເທົ່າກັບລາຄາປິດໃນປະຈຸບັນ  ແລະ ມີໃສ້ທຽນເກີດຂື້ນຢູ່ດ້ານເທິງ ເຊິ່ງກ່ອນໜ້ານີ້ແມ່ນຢູ່ໃນຊ່ວງຂາຂື້ນ ໂດຍມີແທ່ງທຽນສີຂຽວເຊິ່ງມີແຮງຊື້ສະສົມາຢ່າງຕໍ່ເນື່ອງ ຕໍ່ມາລ້າສຸດເກີດ Bearish Gravestone Doji ເພາະແຮງຊື້ ສູ້ແຮງຂາຍບໍໍ່ໄດ້ ເຮັດໃຫ້ ຫຸ້ນ ຫຼື ຄ່າເງີນປັບໂຕຫຼຸດຕໍ່າລົງມາປິດໃກ້ຄຽງ ຫຼື ເທົ່າກັບລາຄາເປີດ ເມື່ອເປັນແນວນີ້ແມ່ນຈະເຮັດໃຫ້ນັກລົທຶນເກີດຄວາມກັງວົນເພາະຊື້ຫຸ້ນ ຫຼື ສະກຸນເງີນມາໄວ້ໃນລາຄາສູງເຮັດໃຫ້ເກີດແຮງຂາຍສະສົມໃນມື້ຖັດມາ ເທຣນສັນຍານການກັບໂຕນີ້ ເພື່ອຄວາມໝັ້ນໃຈ ຄວນເບິ່ງແທ່ງທຽນທີ່ເກີດຂື້ນເປັນສີແດງອີກໂຕໃນມື້ຖັດໄປເພື່ເປັນການຢືນຢັນ.

13. Three Inside Up VS Three Inside Down

ຂາຂື້ນThree Inside Up ຮູບແບບນີ້ເປັນຮູບແບບທີ່ມີພື້ນຖານມາຈາກ harami ໂດຍເພີ່ມແທ່ງທຽນ ແທ່ງທີ 3ເຂົ້າມາເພື່ອເປັນການຢືນຢັນທິດທາງຫຸ້ນຈະປັບທິດທາງເປັນຂາຂື້ນໄດ້ ເຫດທີ່ແທ່ງທຽນທີ 3ທີ່ເປັນ White candle ສາມາດຢືນຢັນ ການກັບທິດທາງຂອງຫຸ້ນເປັນຂາຂື້ນໄດ້ນັ້ນເພາະມັນສາມາດ Breakout ແນວຕ້ານທີ່ເກີດຈາກການລາກເສັ້ນເຊື່ອມລະຫວ່າງລາຄາເປີດຂອງແທ່ງດຳ ແລະ ລາຄາປິດຂອງ White Small body ເງີນໄຂການເກີດຮູບແບບ three inside up ຕະຫຼາດໄດ້ເຮັດໃຫ້ກຣາບເກີດສັນຍານວ່າ ລາຄາຫຸ້ນບໍ່ໜ້າຈະຕໍ່າກ່ອນມື້ວານອີກແລ້ວ ແຕ່ເນື່ອງຈາກການເກີດ Small bady  ຂອງແທ່ງທຽນ ມື້ທີສອງນັ້ນບົ່ງບອກເຖິງແຮງຊື້ ແລະ ແຮງຂາຍຍັງເບິ່ງທ່າທີກັນຢູ່ ຍັງບໍ່ມີຝ່າຍໃດສາມາຄວບຄຸມຕະຫຼາດໄດ້ ຈິ່ງຕ້ອງຢັ້ງຢືນດ້ວຍແທ່ງທຽນຂອງມື້ທີສາມ  ເມື່ອແທ່ງທຽນຂອງມືທີສາມເປັນ White candle ທີ່ມີລາຄາປິດສູງກ່ອນລາຄາເປີດຂອງແທ່ງທຽນຄໍ່າມື້ທຳອິດນັ້ນ ສະແດງໃຫ້ເຫັນວ່າແຮງຊື້ສາມາດເອົາຊະນະແຮງຂາຍ ແລະ ສາມາຄວບຄຸມຕະຫຼາດໄດ້ຈິ່ງສົ່ງສັນຍານເກີດ Reversal ຂື້ຕໍ່ໄປໄດ້ ປັດໃຈສຳຄັນຂອງຮູບແບບ Three Inside Up ເປັນ pattern ທີ່ມີຄວາມໜ້າເຊື່ອຖືສູງ ແຕ່ຖ້າຈະໃຫ້ໝັ້ນໃຈຫຼາຍຂື້ນ ແທ່ງທຽນ ແທ່ງທີ່ສາມາດຄວນເປັນ White Candle ປິດທີ່ລະດັບລາຄາສູງ

ຂາລົງThree Inside Down ລັກສະນະຂອງແທ່ງທຽນ ຮູບແບບນີ້ເປັນຮູບແບບທີ່ມີພື້ນຖານມາຈາກ harami ໂດຍເພີ່ມແທ່ງທຽນ ແທ່ງທີສາມເຂົ້າມາເພື່ອເປັນການຢືນຢັນທິດທາງ ຫຸ້ນ ຫຼື ຄ່າເງີນ ຈະປັບທິດທາງເປັນຂາລົງໄດ້ ເຫດທີ່ແທ່ງທີສາມເປັນ Black candle ສາມາດຢັ້ງຢືນການກັບທິດທາງຂອງຫຸ້ນເປັນຂາລົງໄດ້ນັ້ນເພາະມັນສາມາດ Breakdown ແນວຮັບທີ່ເກີດຈາການລາກເສັ້ນເຊື່ອມລະຫວ່າງລາຄາເປີດຂອງແທ່ງຂາວ ແລະ ລາຄາປິດຂອງ Small black body ປັດໃຈທີ່ສຳຄັນ ຮູບແບບ Tree Inside Down ເປັນ Pattern ທີ່ມີຄວາມໜ້າເຊື່ອຖືສູງ ແຕ່ຖ້າຈະໃຫ້ໝັນໃຈຫຼາຍຂື້ນແທ່ງທຽນແທ່ງທີສາມ ຄວນເປັນ Black candle ທີ່ມີລາຄາເປີດກະໂດດ Gap ຈາກແທ່ງທີສອງ ຫຼືມີລາຄາປິດຂອງແທ່ງ Black candle ປິດທີ່ລະດັບລາຄາຕໍ່າລາຄາເປີດ White cadle.

14. Tweezer Bottoms vs Tweezer Tops

ຂາຂື້ນ Tweezer Bottoms ຄຳວ່າ Tweezers Bottoms ນີ້ຄືການເອີ້ນແທ່ງທຽນຄູ່ທີ່ມີລັກສະນະຈຸດຕໍ່າສຸດເທົ່າກັນ ໂດຍຈຸດຕໍ່າສຸດຂອງແທ່ງທຽນທັງສອງນີ້ທີ່ວ່ານີ້ໝາຍລວມເຖິງໃສ້ທຽນ (Shadow) ແລະ ໂຕແທ່ງທຽນ ລວມເຖິງແທ່ງທຽນທີ່ມີຮູບແບບເປັນ Doji ອີກດ້ວຍ. ຮູບແບບຂອງ Tweezers Bottoms ຍັງບໍ່ສາມາດສະແດງການກັບໂຕຂອງເທຣນໄດ້ຢ່າງຊັດເຈນ ແລະ ຫາແທ່ງທຽນໂຕຖັດໄປເກີດສະວິງຕໍ່າ ຫຼື້ ສູງຂື້ນ Tweezers Bottoms ນັ້ນກໍ່ຈະກາຍເປັນຕໍາແໜ່ງສູງສຸດ ຫຼື ຕໍ່າສຸດຂອງສະວິງທັນທີ ແລະ ຫາກມີແຮງແກວ່ງທີ່ກັບຄືນອີກ ນັກເທຣດ ກໍ່ສາມາດໃຊ້ແທ່ງ Tweezers Bottoms ນີ້ເປັນແນວຮັບ ຫຼື ແນວຕ້ານໄດ້ເລີຍ ສະນັ້ນ Tweezers Botooms ຈິ່ງເປັນຕໍາແໜ່ງແທ່ງທຽນທີ່ບົງບອກສັນຍານພັກໂຕຊົ່ວຄາວຂອງ Bullish ຫຼາຍກວ່າຈະເປັນສັນຍານການກັບໂຕ.

ຂາລົງ Tweezer Tops ໃນສ່ວນແທ່ງທຽນທີ່ເອີ້ນວ່າ Tweezers Tops ນັ້ນກໍ່ໝາຍເຖິງຄູ່ແທ່ງທຽນ ທີ່ມີລັກສະນະເຖິງຈຸສູງສຸດເທົ່າກັນ ໂດຍຈຸດສູງສຸດຂອງຄູ່ແທ່ງທຽນທີ່ວ່ານີ້ແມ່ນໝາຍເຖິງໃສ້ທຽນ ແລະ ໂຕແທ່ງທຽນ ລວມທັງແທ່ງທຽນທີ່ມີຮູບແບບລັກສະນະເປັນ Doji ດ້ວຍຮູບແບບຂອງ Tweezers Tops ຍັງບໍ່ສາມາດສະແດງການກັບໂຕຂອງເທຣນໄດ້ຢ່າງຈະແຈ້ງເຊັ່ນດຽວກັນ ຫາດມີແທ່ງທຽນໂຕຖັດໄປເກີດສະວິງຕໍ່າ ຫຼື ສູງຂື້ນ Tweezers Tops ນັ້ນກໍ່ກາຍເປັນຕໍາແໜ່ງສູງສຸດ ຫຼື ຕໍ່າສຸດ ຂອງສະວິງທັນທີ ແລະ ຫາກມີແຮງແກວ່ງທີ່ກັບອີກ ນັກເທຣດກໍ່ສາມາດໃຊ້ແທ່ງ Tweezers Tops ເປັນແນວຕ້ານ ຫຼືແນວຮັບໄດ້ເລີຍສະນັ້ນ Tweezers Tops ຈິ່ງເປັນຕຳແໜ່ງແທ່ງທຽນທີ່ບົ່ງບອກສັນຍານພັກໂຕຊົ່ວຄາວຂອງ Bearish ຫຼາຍກ່ອນທີ່ຈະເປັນສັນຍານການກັບໂຕ.

15. Bullish Abandoned Baby VS Bearish Abandoned Baby

ຂາຂື້ນ Bullish Abandoned Baby ຄືລັກສະນະແທ່ງທຽນ ສອງແທ່ງທີ່ມີຮູບຄືເຄື່ອງໝາຍບວກ ຢູ່ທາງກາງ ເຊິ່ງຮູບເຄື່ອງໝາຍບວກນັ້ນໄດ້ກະໂດດຫ່າງຈາກແທ່ງທຽນກ່ອນໜ້າ (ແທ່ງທຽນສີແດງ) ຈົນເປັນຊ່ອງວ່າງ ຫຼື Gap ຫຼັງຈາກນັ້ນເກີດມີແທ່ງທຽນສີຂຽວກະໂດດຂື້ນເປັນຊ່ອງວ່າງ ຫຼື Gapແລ້ວມີໃສ້ທຽນຢື່ນອອກມາຈະເປັນ ເທິງ ຫຼື ລຸ່ມກໍ່ໄດ້ ຂໍໃຫ້ບໍ່ຕິດກັນ ລັກສະນະແບບນີຄືສັນຍານແບ່ງອອກແນວໂນ້ມທີ່ລົງມາຈະປ່ຽນເປັນຂາຂື້ນ.

 

ຂາລົງ Bearish Abandoned Baby ລັກສະນະທີ່ແທ່ງທຽນ ສອງແທ່ງທີ່ມີຮູບຄືເຄື່ອງໝາຍບວກ ຢູ່ທາງກາງເຊິ່ງຮູບເຄື່ອງໝາຍບວກນັ້ນໄດ້ກະໂດດຂື້ຫ່າງຈາກແທ່ງທຽນກ່ອນໜ້າ (ແທ່ງທຽນສີຂຽວ) ຈົນເປັນຊ່ອງວ່າງ ຫຼື Gap ຫຼັງຈາກນັ້ນເກີດມີແທ່ງທຽນສີແດງ ກະໂດດລົງຫ່າງຈາກຊ່ອງວ່າງຂອງ ຫຼື້ Gap ແລ້ວມີໃສ້ທຽນຍື່ນອອກມາຈະເປັນ ເທິງ ຫຼື ລຸ່ມ ກໍ່ໄດ້ ຂໍໃຫ້ບໍ່ຕິດກັນ ລັກສະນະເຊັ່ນນີ້ຄືສັນຍານບົ່ງບອກແນວໂນ້ມທີ່ຂື້ນຈະປ່ຽນເປັນລົງ.

 

16. Bullish Marubozu VSBearish Marubozu

ຂາຂື້ນ Bullish Marubozu ຄືຮູບແບບແທ່ງທຽນທີ່ເປັນສີຂຽວມີລັກສະນະທີ່ມີແຕ່ໂຕທຽນ ບໍ່ມີໃສ້ ຄວາມໝາຍຄືລາຄາເປີດເທົ່າກັບລາຄາຕໍ່າສຸດ ແລະ ລາຄາປິດເທົ່າກັບລາຄາສູງສຸດ ແທ່ງທຽນທີ່ສະແດງມາເປັນຮູບແບບນີ້ສະແດງເຖິງພາວະຂອງຕະຫຼາດທີ່ຢູ່ໃນຊ່ວງຂາຂື້ນຢ່າງຊັດເຈນຕະຫຼາດຄົງຈະຢູ່ໃນຂາຂື້ນຕໍ່ໄປຢ່າງຕໍ່ເນື່ອງ ອາດມີແກ່ວງໄປທາງລົບແດ່ ຍັງຍັງມີໂອກາດທີຈະກັບຄືນມາສຸ່ສະພາວະຂາຂື້ນຕໍ່ໄປ.

 

 

ຂາລົງ Bearish Marubozu ຄືຮູບແບບແທ່ງທຽນເປັນສີແດງມີລັກສະນະທີມີແຕ່ໂຕທຽນ ບໍ່ມີໃສ້ທຽນ ລາຄາເປິດເທົ່າກັບລາຄາສູງສຸດ ລາຄາປີດເທົ່າກັບລາຄາຕໍ່າສຸດ ແທ່ງທຽນຮູບແບບນີ້ສະແດງເຖິງພາວະຂອງຕະຫຼາດຢູ່ໃນຊ່ວງຂາລົງ ທີ່ຊັດເຈນ ຕະຫຼາດຍັງຈະຢູ່ໃນຊ່ວງຂາລົງຕໍ່ໄປອາດຈະມີແກ່ວງຂື້ນໃນບາງຄັ້ງ ແຕ່ໂອກາດທີ່ຈະກັບມາສູ່ສະພາວະຂາລົງຍັງມີຢູ່.

 

 

17. Bullish Spinning Top VS Bearish Spinning Top

ຂາຂື້ນ Bullish Spinning Top ມີລັກສນະເປັນແທ່ງທຽນສີຂຽວທີ່ມີໂຕແທ່ງທຽນຂະໜາດນ້ອຍ ແລະ ສັ້ນໂຕກາງລະຫວ່າງໃສ້ທຽນເປັນຍາວໆທັງສອງດ້ານ ດ້ານເທິງ ແລະ ດ້ານລຸ່ມ ໂດຍແທ່ງທຽນທີ່ມີລັກສະນະເປັນ Bullish Spinning Top ນີ້ບົ່ງບອກວ່າແຮງຊີ້ ແລະ ແຮງຂາຍມີປະລິມານເທົ່າໆກັນ ບໍ່ມີຄວາມໄດ້ປຽບ ຫຼື ເສຍປຽບ ລາຄາປິດບໍ່ແຕກຕ່າງຈາກລາຄາເປີດເທົ່າໃດ ຕະຫຼາດຍັງມີຄວາມລັງເລແນວໂນ້ມທີ່ຍັງບໍ່ຊັດເຈນ ເພື່ອຄວາມໝັ້ນໃຈກ່ຽສກັບທິດທາງຂອງຕະຫຼາດ ຄວນລໍການຢັ້ງຢືນດ້ວຍແທ່ງທຽນອີກໂຕ ເຊັ່ນ ກໍ່ລະນີກັບທິດທາງເປັນຂາລົງຈະເປັນສີແດງ ຫາກຍັງຄົງຢູ່ໃນຊ່ວງຂາຂື້ນຕໍ່ໄປຈະເປັນສີຂຽວນັ້ນເອງ.

 

ຂາລົງ Bearish Spinning Top ມີລັກສນະເປັນແທ່ງທຽນສີແດງທີ່ມີໂຕແທ່ງທຽນຂະໜາດນ້ອຍ ແລະ ສັ້ນໂຕກາງລະຫວ່າງໃສ້ທຽນເປັນຍາວໆທັງສອງດ້ານ ດ້ານເທິງ ແລະ ດ້ານລຸ່ມ ໂດຍແທ່ງທຽນທີ່ມີລັກສະນະເປັນ Bearish Spinning Top ນີ້ບົ່ງບອກວ່າແຮງຂາຍ ແລະ ແຮງຊຶ້ມີປະລິມານເທົ່າໆກັນ ບໍ່ມີຄວາມໄດ້ປຽບ ຫຼື ເສຍປຽບ ລາຄາປິດບໍ່ແຕກຕ່າງຈາກລາຄາເປີດເທົ່າໃດ ຕະຫຼາດຍັງມີຄວາມລັງເລແນວໂນ້ມທີ່ຍັງບໍ່ຊັດເຈນ ເພື່ອຄວາມໝັ້ນໃຈກ່ຽສກັບທິດທາງຂອງຕະຫຼາດ ຄວນລໍການຢັ້ງຢືນດ້ວຍແທ່ງທຽນອີກໂຕ ເຊັ່ນ ກໍ່ລະນີກັບທິດທາງເປັນຂາຂື້ຈະເປັນສີຂຽວ ຫາກຍັງຄົງຢູ່ໃນຊ່ວງຂາລົງຕໍ່ໄປຈະເປັນສີແດງນັ້ນເອງ.

 

18. Bullish Long-legged doji VS Bearish Long-legged doji

ຂາຂື້ນ Bullish Long-legged doji ຄືຮູບແບບແທ່ງທຽນທີ່ເກີດຂື້ນຫຼັງຈາກກ່ອນໜ້ານີ້ເປັນຊ່ວງຂາລົງ ແລ້ວເກີດແທ່ງທຽນທີ່ມີລັກສະນະຂອງໃສ້ທຽນດ້ານເທິງເປັນສັ້ນຍາວໆ ມີຂະໜາດຄວາມຍາວຂຂອງໃສ້ທຽນທັງສອງເທົ່າກັນ ຫຼື ໃກ້ຄຽງກັນ ສ່ວນໂຕແທ່ງທຽນ ມີລັກສະນະນ້ອຍ ຫຼື ສັ້ນ ຈິ່ງຄ້າຍເປັນເສັ້ນແນວນອນຈາກຮູບແບບທີ່ເກີດເປັນ Bullish Long-legged doji ນີ້ ເອີ້ນໂດຍມີຄວາມໝາຍວ່ວາ ມີແຮງຊີ້ແລະ ແຮງຂາຍໃນຈໍານວນທີຫຼາຍໆ ເຮັດໃຫ້ລາຄາມີຄວາມຜັນຝວນ ບໍ່ມີຄວາມຊັດເຈນ ນັກລົງທຶນຈິ່ງເກີດຄວາມສັບສົນ ສົ່ງຜົນໃຫ້ລາຄາປິດ ໃກ້ຄຽງ ຫຼື ເທົ່າກັບລາຄາເປີດ ຮູບແບບເຊັ່ນນີ້ຈິ່ງຍັງສະຫຼຸບທິດທາງແນວໂນ້ມບໍ່ໄດ້ແນ່ນອນ ເພື່ອຄວາມໝັ້ນໃຈໃນການກັບໂຕຈາກຂາລົງເປັນຂາຂື້ນຂອງ ຫຸ້ນ ຫຼື ຄ່າເງີນ ຈິ່ງຄວນລໍການຢັ້ງຢືນ ດ້ວຍແທ່ງທຽນສີຂຽວອີກແທ່ງ ທີ່ມີລາຄາເປີດກະໂດດ Gap ຂື້ນໄປ

ຂາລົງ Bearish Long-legged doji ຄືຮູບແບບແທ່ງທຽນທີ່ເກີດຂື້ນຫຼັງຈາກກ່ອນໜ້ານີ້ເປັນຊ່ວງຂາຂື້ນ ແລ້ວເກີດແທ່ງທຽນທີ່ມີລັກສະນະຂອງໃສ້ທຽນດ້ານລູ່ມເປັນສັ້ນຍາວໆ ມີຂະໜາດຄວາມຍາວຂຂອງໃສ້ທຽນທັງສອງເທົ່າກັນ ຫຼື ໃກ້ຄຽງກັນ ສ່ວນໂຕແທ່ງທຽນ ມີລັກສະນະນ້ອຍ ຫຼື ສັ້ນ ຈິ່ງຄ້າຍເປັນເສັ້ນແນວນອນຈາກຮູບແບບທີ່ເກີດເປັນ Bearish Long-legged doji ນີ້ ເອີ້ນໂດຍມີຄວາມໝາຍວ່ວາ ມີແຮງຂາຍ ແລະ ແຮງຊື້ໃນຈໍານວນທີຫຼາຍໆ ເຮັດໃຫ້ລາຄາມີຄວາມຜັນຝວນ ບໍ່ມີຄວາມຊັດເຈນ ນັກລົງທຶນຈິ່ງເກີດຄວາມສັບສົນ ສົ່ງຜົນໃຫ້ລາຄາປິດ ໃກ້ຄຽງ ຫຼື ເທົ່າກັບລາຄາເປີດ ຮູບແບບເຊັ່ນນີ້ຈິ່ງຍັງສະຫຼຸບທິດທາງແນວໂນ້ມບໍ່ໄດ້ແນ່ນອນ ເພື່ອຄວາມໝັ້ນໃຈໃນການກັບໂຕຈາກຂາຂື້ນເປັນຂາລົງຂອງ ຫຸ້ນ ຫຼື ຄ່າເງີນ ຈິ່ງຄວນລໍການຢັ້ງຢືນ ດ້ວຍແທ່ງທຽນສີແດງອີກແທ່ງ ທີ່ມີລາຄາເປີດກະໂດດ Gap ລົງມາ.

19. Bullish Kicking Pattern VS Bearish Kicking Pattern

ຂາຂື້ນ Bullish Kicking Pattern ເປັນລັກສະນະຮູບແບບແທ່ງທຽນທີ່ເກີດຂື້ນຫຼັງຈາກກ່ອນໜ້ານີ້ເປັນຊ່ວງຂາລົງ ໂດຍໃນຊ່ວງຂາລົງນັ້ນເປັນແທ່ງທຽນສີແດງສະນິດ Marubozu (ແທ່ງທຽນທີ່ບໍ່ມີໃສ້ທັງດ້ານເທິງ ແລະ ດ້ານລຸ່ມ ຫຼື ອາດຈະມີແຕ່ສັ້ນໆຫຼາຍ) ຕໍ່ຈາກນັ້ນລ້າສຸດເກີດແທຣນຂາຂື້ນເປັນແທ່ງທຽນສີຂຽວສະນິດ Marubozu ເຊັ່ນກັນ ໂດຍມີລາຄາປິດທີກະໂດດຂື້ນຈາກແທ່ງທຽນສີແດງ ຈົນເກີດ Gap (ຊ່ອງວ່າງທີ່ມີລະຍະຫ່າງ) ຂື້ນລັກສະນະຂອງ Bullish Kicking Pattern ຖືເປັນຮູບແບບທີ່ມີຄວາມເຊື່ອຖືສູງ ໃນສັນຍານທິດທາງຂອງການກັບໂຕ ຈະໃຫ້ສົມບູນຍິ່ງຂື້ນຄວນຈະຢືນຢັນດ້ວຍອີກແທ່ງທີ່ເປັນສີຂຽວ ທີມີລາຄາເປີດກະໂດດຂື້ນຈົນເກີດ Gap ຫຼືມີລາຄາປິດສູງຂືນໄປອີກ.

ຂາລົງBearish Kicking Pattern ເປັນລັກສະນະຮູບແບບແທ່ງທຽນທີ່ເກີດຂື້ນຫຼັງຈາກກ່ອນໜ້ານີ້ເປັນຊ່ວງຂາຂື້ນ ໂດຍໃນຊ່ວງຂາລົງນັ້ນເປັນແທ່ງທຽນສີຂຽວສະນິດ Marubozu (ແທ່ງທຽນທີ່ບໍ່ມີໃສ້ທັງດ້ານເທິງ ແລະ ດ້ານລຸ່ມ ຫຼື ອາດຈະມີແຕ່ສັ້ນໆຫຼາຍ) ຕໍ່ຈາກນັ້ນລ້າສຸດເກີດແທຣນຂາລົງເປັນແທ່ງທຽນສີແດງສະນິດ Marubozu ເຊັ່ນກັນ ໂດຍມີລາຄາປິດທີກະໂດດຂື້ນຈາກແທ່ງທຽນສີຂຽວ ຈົນເກີດ Gap (ຊ່ອງວ່າງທີ່ມີລະຍະຫ່າງ) ຂື້ນລັກສະນະຂອງ Bullish Kicking Pattern ຖືເປັນຮູບແບບທີ່ມີຄວາມເຊື່ອຖືສູງ ໃນສັນຍານທິດທາງຂອງການກັບໂຕ ຈະໃຫ້ສົມບູນຍິ່ງຂື້ນຄວນຈະຢືນຢັນດ້ວຍອີກແທ່ງທີ່ເປັນສີແດງ ທີມີລາຄາປິດກະໂດດລົງຈົນເກີດ Gap ຫຼືມີລາຄາປິດຕໍ່າຂືນໄປອີກ.

20. 3 Bullish Soldier VS 3 Bearish Soldier

ຂາຂື້ນ 3 Bullish Soldier ເປັນແທ່ງທຽນສີຂຽວ ທີມີຢູ່ໃນເທຣນທີມີຢູ່ໃນເທຣນຂາຂື້ນມີລັກກສະນະທີ່ແທ່ງທຽນໂຕຫຼັງອາດຈະບໍ່ເທົ່າກັນ ຫຼືຍາວກ່ອນແທ່ງທຽນກ່ອນໜ້າໃນຂະນະທີ່ລາຄາປິດສູງຂືນມາເລື້ອຍໆຕາມລຳດັບ 1-2-3 ຂອງແທ່ງທຽນທັງສາມຮູບແບບເຊັ່ນນີ້ບົງບອກຄວາມແຂງແກ່ງຂອງໃນເທຣນຂາຂື້ນແຕ່ມີຂໍ້ທີ່ຄວນລະວັງຄື ຫາກແທ່ງທຽນທີ່ອອກມາມີຂະໜາດສັ້ນກວ່າເກົ່າເລື້ອຍໆ ເຊັ່ນແທ່ງທີ 3 ສັ້ນກວ່າແທ່ງທີ 2 ແລະ ແທ່ງທີ 2 ສັ້ນກວ່າແທ່ງທຳອິດ ເຖິງແມ່ນຍັງຈະຢູ່ໃນເທຣນຂາຂື້ນກໍ່ຕາມ ແຕ່ອາດຈະມີການກັບໂຕ ຫຼື ກັບທິດທາງ (Reversal Pattern) ລົງໄດ້ແທນທີ່ຈະຢູ່ໃນເທຣນຂາຂື້ນຕໍ່ໄປ (Uptrend Continuous Pattern)

ຂາລົງ 3 Bearish Soldier ເປັນແທ່ງທຽນສີແດງ ທີມີຢູ່ໃນເທຣນທີມີຢູ່ໃນເທຣນຂາລົງມີລັກກສະນະທີ່ແທ່ງທຽນໂຕຫຼັງອາດຈະບໍ່ເທົ່າກັນ ຫຼືຍາວກ່ອນແທ່ງທຽນກ່ອນໜ້າໃນຂະນະທີ່ລາຄາປິດຕໍ່າມາເລື້ອຍໆຕາມລຳດັບ 1-2-3 ຂອງແທ່ງທຽນທັງສາມຮູບແບບເຊັ່ນນີ້ບົງບອກຄວາມແຂງແກ່ງຂອງໃນເທຣນຂາລົງແຕ່ມີຂໍ້ທີ່ຄວນລະວັງຄື ຫາກແທ່ງທຽນທີ່ອອກມາມີຂະໜາດສັ້ນກວ່າເກົ່າເລື້ອຍໆ ເຊັ່ນແທ່ງທີ 3 ສັ້ນກວ່າແທ່ງທີ 2 ແລະ ແທ່ງທີ 2 ສັ້ນກວ່າແທ່ງທຳອິດ ເຖິງແມ່ນຍັງຈະຢູ່ໃນເທຣນຂາລົງກໍ່ຕາມ ແຕ່ອາດຈະມີການກັບໂຕ ຫຼື ກັບທິດທາງ (Reversal Pattern) ຂື້ນໄດ້ແທນທີ່ຈະຢູ່ໃນເທຣນຂາຂື້ນຕໍ່ໄປ (Downtrend Continuous Pattern)

21. Bullish On Neck Line VS Bearish On Neck Line

ຂາຂື້ນ Bullish On Neck Line ລັກສະນະເປັນແທ່ງທຽນສີແດງ ທີ່ເກີດຂື້ນໃນຊ່ວງຂາຂື້ນ ໂດຍໄດ້ຕາມຫຼັງແທ່ງທຽນສີຂຽວກ່ອນໜ້າ ແລະ ມີລາຄາປິດທີ່ຢູ່ສູງກ່ອນລາຄາສູງສຸດຂອງແທ່ງທຽນກ່ອນໜ້າເຊັ່ນກັນ ຮູບແບບແທ່ງທຽນມີລັກສະນະເຊັ່ນນີ ບົ່ງບອກເຖິງແນວໂນ້ມຫຸ້ນ ຫຼື ຄ່າເງີນ ຂື້ນມານັ້ນຈະຍັງຄົງຂື້ນຕໍ່ໄປ ແລະ ຍິ່ງຖ້າຫຼັງຈາກນີ້ເກີດແທ່ງທຽນອີກແທ່ງ (ສີຫຍັງກໍ່ໄດ້) ທີ່ມີລາຄາປິດ ແລະ ເປີດຕໍ່າກວ່າລາຄາຕໍ່າສຸດຂອງແທ່ງທຽນສີແດງ ຈະເທົ່າກັບເປັນການຢືນຢັນຊ່ວງຂາຂື້ນວ່າຍັງຄົງເປັນເຊັ່ນນັ້ນ.

 

ຂາລົງ Bearish On Neck Line ລັກສະນະເປັນແທ່ງທຽນສີຂຽວ ທີ່ເກີດຂື້ນໃນຊ່ວງຂາລົງ ໂດຍໄດ້ຕາມຫຼັງແທ່ງທຽນສີແດງກ່ອນໜ້າ ແລະ ມີລາຄາປິດທີ່ຢູ່ຕໍ່າກ່ອນລາຄາຕໍ່າສຸດຂອງແທ່ງທຽນກ່ອນໜ້າເຊັ່ນກັນ ຮູບແບບແທ່ງທຽນມີລັກສະນະເຊັ່ນນີ ບົ່ງບອກເຖິງແນວໂນ້ມຫຸ້ນ ຫຼື ຄ່າເງີນ ລົງມານັ້ນຈະຍັງຄົງລົງຕໍ່ໄປ ແລະ ຍິ່ງຖ້າຫຼັງຈາກນີ້ເກີດແທ່ງທຽນອີກແທ່ງ (ສີຫຍັງກໍ່ໄດ້) ທີ່ມີລາຄາປິດ ແລະ ເປີດຕໍ່າກວ່າລາຄາຕໍ່າສຸດຂອງແທ່ງທຽນສີຂຽວ ຈະເທົ່າກັບເປັນການຢືນຢັນຊ່ວງຂາລົງວ່າຍັງຄົງເປັນເຊັ່ນນັ້ນ.

 

22. Bullish Separating Lines VS Bearish Separating Lines

ຂາຂື້ນ Bullish Separating Lines ເປັນຮູບແບບແທ່ງທຽນສີຂຽວທີ່ເກີດຂື້ນໃນຊ່ວງຂາຂື້ນ ໂດຍໄດ້ຕາມຫຼັງແທ່ງທຽນກ່ອນໜ້ານີ້ທີ່ເປັນສີແດງ ເຊິ່ງມີລາຄາເປີດທີ່ເທົ່າກັນກັບລາຄາປິດຂອງແທ່ງທຽນສີແດງ ຮູບແບບລັກສະນະເຊັ່ນນີ້ບົງບອກເຖິງແນວໂນ້ມ ຫຸ້ນ ຫຼື ຄ່າເງີນ ທີ່ເປັນຂາຂື້ນ ຈະຍັງຂື້ນຕໍ່ໄປເພື່ອເປັນການຢືນຢັນທີ່ຊັດເຈນຍິ່ງຂື້ນແທ່ງທຽນຕໍ່ໄປຄວນເປັນສີຂຽວ.

 

 

ຂາລົງ Bearish Separating Lines ເປັນຮູບແບບແທ່ງທຽນສີແດງທີ່ເກີດຂື້ນໃນຊ່ວງຂາລົງ ໂດຍໄດ້ຕາມຫຼັງແທ່ງທຽນກ່ອນໜ້ານີ້ທີ່ເປັນສີຂຽວ ເຊິ່ງມີລາຄາປິດທີ່ເທົ່າກັນກັບລາຄາເປິດຂອງແທ່ງທຽນສີຂຽວ ຮູບແບບລັກສະນະເຊັ່ນນີ້ບົງບອກເຖິງແນວໂນ້ມ ຫຸ້ນ ຫຼື ຄ່າເງີນ ທີ່ເປັນຂາລົງ ຈະຍັງລົງຕໍ່ໄປເພື່ອເປັນການຢືນຢັນທີ່ຊັດເຈນຍິ່ງຂື້ນແທ່ງທຽນຕໍ່ໄປຄວນເປັນສີແດງ.

 

 

23. Bullish Tri Star VSBearish Tri Star

ຂາຂື້ນ Bullish Tri Star ເປັນຮູບແບບແທ່ງທຽນທີ່ບໍ່ຄ່ອຍເກີດຂື້ນລັກສະນະຄືໃນຊ່ວງເທຣນຂາລົງ ເກີດມີແທ່ງທຽນຮູບແບບ Doji ຂື້ນ 3ໂຕ ໂດຍໂຕທຳອິດ ແລະ ໂຕທີສອງ ຈະຢູ່ໃນເທຣນຂາລົງຕິດຕໍ່ກັນ ຫຼັງຈາກນັ້ນເກີດ Doji ໂຕທີສາມຕາມມາແຕ່ຢູ່ໃນລັກສະນະພີກໂຕກັບເປັນຂາຂື້ນຈົນເຮັດໃຫ້ເກີດເປັນຮູບແບບຄ້າຍຄືກັບສາມດາວ (Tri-Star) ແທ່ງທຽນໃນກຸ່ມທີ່ມີຮູບແບບລັກສະນະເຊັ່ນນີ້ ບົງບອກເຖິງຄວາມບໍ່ແນ່ໃຈຂອງຕະຫຼາດທີ່ຕິດຕໍ່ກັນເລື້ອຍມາຕະຫຼອດ ນັກລົງທຶນເກີດຄວາມລັງເລ ສັບສົນໃນການຕັດສິນໃຈ ເນື່ອງຈາກລາຄາຊື້ເທົ່າກັບລາຄາຂາຍ ລາຄາເປີດເທົາກັບລາຄາປິດ ແລະ ເມື່ອລາຄາມີການເໜັງໂຕປື້ນກັບໄປຢູ່ໃນເທຣນຂາຂື້ນໃນ Doji  ໂຕສຸດທ້າຍ ຈຶ່ງຄືກັບການສົ່ງສັນຍານປື້ນກັບຂອງເທຣນຈາກຂາລົງເປັນຂາຂື້ນນັ້ນເອງ.

ຂາລົງ Bearish Tri Star ເປັນຮູບແບບແທ່ງທຽນທີ່ບໍ່ຄ່ອຍເກີດຂື້ນລັກສະນະຄືໃນຊ່ວງເທຣນຂາຂື້ນ ເກີດມີແທ່ງທຽນຮູບແບບ Doji ຂື້ນ 3ໂຕ ໂດຍໂຕທຳອິດ ແລະ ໂຕທີສອງ ຈະຢູ່ໃນເທຣນຂາຂື້ຕິດຕໍ່ກັນ ຫຼັງຈາກນັ້ນເກີດ Doji ໂຕທີສາມຕາມມາແຕ່ຢູ່ໃນລັກສະນະປື້ນໂຕກັບເປັນຂາລົງ ຈົນເຮັດໃຫ້ເກີດເປັນຮູບແບບຄ້າຍຄືກັບສາມດາວ (Tri-Star) ແທ່ງທຽນໃນກຸ່ມທີ່ມີຮູບແບບລັກສະນະເຊັ່ນນີ້ ບົງບອກເຖິງຄວາມບໍ່ແນ່ໃຈຂອງຕະຫຼາດທີ່ຕິດຕໍ່ກັນເລື້ອຍມາຕະຫຼອດ ນັກລົງທຶນເກີດຄວາມລັງເລ ສັບສົນໃນການຕັດສິນໃຈ ເນື່ອງຈາກລາຄາຊື້ເທົ່າກັບລາຄາຂາຍ ລາຄາເປີດເທົາກັບລາຄາປິດ ແລະ ເມື່ອລາຄາມີການເໜັງໂຕປື້ນກັບໄປຢູ່ໃນເທຣນຂາລົງໃນ Doji  ໂຕສຸດທ້າຍ ຈຶ່ງຄືກັບການສົ່ງສັນຍານປື້ນກັບຂອງເທຣນຈາກຂາຂື້ນເປັນຂາລົງນັ້ນເອງ.

24. Long Lower Shadow VS Long Upper Shadow

ຂາຂື້ນ Long Lower Shadow ເປັນຮູບແບບແທ່ງທຽນສີຂຽວທີ່ມີໃສ້ທຽນດ້ານລຸ່ມຍາວຫຼາຍ ໂດຍທີ່ໂຕແທ່ງທຽນ ມີຂະໜາດສັ້ນ ແລະ ຢູ່ບໍລິເວນໃກ້ຄຽງໃສ້ທຽນດ້ານເທິງຈົນເກືອບຈະຕິດກັນ ຄືມີໃສ້ທຽນດ້ານເທິງຍື່ນອອກມາເລັກໜ້ອຍ ແທ່ງທຽນລັກສະນະເຊັ່ນນີ້ໝາຍເຖິງ ຫຸ້ນ ຫຼື ຄ່າເງີນທີ່ມີລາຄາປິດທີ່ສູງກວ່າລາຄາເປີດ (ລາຄາສູງຂື້ນ) ໂດຍມີລາຄາປິດທີ່ໃກ້ຄຽງກັບລາຄາສູງສຸດອີກດ້ວຍ ມີສາເຫດກໍ່ເນື່ອງມາຈາກມີແຮງຊື້ເຂົ້າມາໃນຈຳນວນຫຼາຍໆ ແລະ ວ່ອງໄວ ຈິ່ງເຮັດໃຫ້ລາຄາຂື້ນສູງ ເກີດເປັນຮູບລັກສະນະ Long Lower Shadow ເຊິ່ງໝາຍເຖິງບອກງແນວໂນ້ມຂາຂື້ນຈະຍັງຄົງຢູ່ຂື້ນຕໍ່ໄປ ແຕ່ແຮງຊື້ເຖິງຈຸດອື່ມໂຕແລ້ວ ກໍ່ອາດເກີດເທຣນກັບໂຕ ຈາກຂື້ນເປັນລົງໄດ້ເຊັ່ນດຽວກັນສະນັ້ນຮູບລັກສະນະ Long Lower Shadow ຍັງບໍ່ແມ່ນການບອກທິດທາງ ແນວໂນ້ມີ່ຊັດເຈນພຽງພໍ ໂອກາດທີ່ຈະພິກກັບໂຕ ກັບຈາກຂື້ນເປັນລົງ ຫຼື ຍັງຄົງຂື້ນຕໍ່ໄປອີກເປັນໄປໄດ້ທັງໝົດ

ຂາລົງ Long Upper Shadow ເປັນຮູບແບບແທ່ງທຽນສີແດງທີ່ມີໃສ້ທຽນດ້ານເທິງຍາວຫຼາຍ ໂດຍທີ່ໂຕແທ່ງທຽນ ມີຂະໜາດສັ້ນ ແລະ ຢູ່ບໍລິເວນໃກ້ຄຽງໃສ້ທຽນດ້ານລຸ່ມຈົນເກືອບຈະຕິດກັນ ຄືມີໃສ້ທຽນດ້ານລຸ່ມຍື່ນອອກມາເລັກໜ້ອຍ ແທ່ງທຽນລັກສະນະເຊັ່ນນີ້ໝາຍເຖິງ ຫຸ້ນ ຫຼື ຄ່າເງີນທີ່ມີລາຄາເປິດທີ່ສູງກວ່າລາຄາປີດ (ລາຄາຕໍ່າລົງ) ໂດຍມີລາຄາປິດທີ່ໃກ້ຄຽງກັບລາຄາຕໍ່າສຸດອີກດ້ວຍ ມີສາເຫດກໍ່ເນື່ອງມາຈາກມີແຮງຈ່ນເຂົ້າມາໃນຈຳນວນຫຼາຍໆ ແລະ ວ່ອງໄວ ຈິ່ງເຮັດໃຫ້ລາຄາຕໍ່າລົງ ເກີດເປັນຮູບລັກສະນະ Long Upper Shadow ເຊິ່ງໝາຍເຖິງບອກງແນວໂນ້ມຂາລົງຈະຍັງຄົງຢູ່ບລົງຕໍ່ໄປ ແຕ່ແຮງຂາຍເຖິງຈຸດອື່ມໂຕແລ້ວ ກໍ່ອາດເກີດເທຣນກັບໂຕ ຈາກລົງເປັນຂື້ນໄດ້ເຊັ່ນດຽວກັນສະນັ້ນຮູບລັກສະນະ Long Upper Shadow ຍັງບໍ່ແມ່ນການບອກທິດທາງ ແນວໂນ້ມີ່ຊັດເຈນພຽງພໍ ໂອກາດທີ່ຈະພິກກັບໂຕ ກັບຈາກລົວເປັນຂື້ນ ຫຼື ຍັງຄົງລົງຕໍ່ໄປອີກເປັນໄປໄດ້ທັງໝົດ.

25. Bullish Meeting Line VS Bearish Meeting Line

ຂາຂື້ນ Bullish Meeting Line ເປັນຮູບແບບແທ່ງທຽນສີຂຽວຂອງຫຸ້ນ ຫຼື ຄ່າເງີນ ທີ່ຢູ່ໃນເທຣນຂາລົງເຊິ່ງກ່ອນໜ້ານັ້ນເປັນແທ່ງທຽນສີແດງທີ່ມີລາຄາເປີດກະໂດດລົງຈາກລາຄາປິດຂອງເທຣນຂາລົງໃນມື້ກ່ອນໆ ໂດຍໂຕແທ່ງທຽນສີຂຽວຫຼ້າສຸດນີ້ກໍ່ມີລາຄາເປີດທີ່ ກະໂດດລົງຈາກລາຄາປິດຂອງແທ່ງທຽນສີແດງເຊັ່ນດຽວກັນ ແຕ່ທ້າຍສຸດມີການປັບໂຕຂື້ນມາປິດລາຄາທີ່ເທົ່າກັນ ຫຼືໃກ້ຄຽງກັນກັບລາຄາເປີດຂອງແທ່ງທຽນສີແດງກ່ອນໜ້າ ລັກສະນະເຊັ່ນນີ້ໝາຍເຖິງແຮງຊື້ ກັບແຮງຂາຍເທົ່າກັນ ແນວໂນ້ມ ຫຼື ທິດທາງຕໍ່ໄປອາດຈະເກີດການກັບໂຕຈາກຂາລົງ ປ່ຽນເປັນຂາຂື້ນແຕ່ໂອກາດການກັບໂຕຍັງສູ້ແທ່ງທຽນໃນຮູບແບບລັກສະນະຂອງ Piercing Pattern ບໍ່ໄດ້ຈິ່ງຄວນລໍການຢືນຢັນຈາກແທ່ງທຽນໂຕຕໍ່ໄປທີ່ມີລາຄາປິດສູງຂື້ນກ່ວາແທ່ງທຽນສີຂຽວນີ້.

 

ຂາລົງ Bearish Meeting Line ເປັນຮູບແບບແທ່ງທຽນສີແດງ ຂອງຫຸ້ນ ຫຼື ຄ່າເງີນ ທີ່ຢູ່ໃນເທຣນຂາຂື້ນເຊິ່ງກ່ອນໜ້ານັ້ນເປັນແທ່ງທຽນສີຂຽວທີ່ມີລາຄາເປີດກະໂດດຂື້ນຈາກລາຄາປິດຂອງເທຣນຂາຂື້ນໃນມື້ກ່ອນໆ ໂດຍໂຕແທ່ງທຽນສີແດງຫຼ້າສຸດນີ້ກໍ່ມີລາຄາເປີດທີ່ ກະໂດດຂຶ້ືນຈາກລາຄາປິດຂອງແທ່ງທຽນສິຂຽວເຊັ່ນດຽວກັນ ແຕ່ທ້າຍສຸດມີການປັບໂຕຫຼຸດລົງມາເປິດລາຄາທີ່ເທົ່າກັນ ຫຼືໃກ້ຄຽງກັນກັບລາຄາປີດຂອງແທ່ງທຽນສີຂຽວກ່ອນໜ້າ ລັກສະນະເຊັ່ນນີ້ໝາຍເຖິງແຮງຊື້ ກັບແຮງຂາຍເທົ່າກັນ ແນວໂນ້ມ ຫຼື ທິດທາງຕໍ່ໄປອາດຈະເກີດການກັບໂຕຈາກຂາຂື້ນ ປ່ຽນເປັນຂາລົງ ແຕ່ໂອກາດການກັບໂຕຍັງສູ້ແທ່ງທຽນໃນຮູບແບບລັກສະນະຂອງ Dark Cloud Cover ບໍ່ໄດ້ຈິ່ງຄວນລໍການຢືນຢັນຈາກແທ່ງທຽນໂຕຕໍ່ໄປທີ່ມີລາຄາປິດສູງຂື້ນກ່ວາແທ່ງທຽນສີແດງນີ້.

26. Bullish Stick Sandwich VS Bearish Stick Sandwich

ຂາຂື້ນ Bullis Stick Sandwich ເປັນຮູບແບບແທ່ງທຽນ 3 ແທ່ງຂອງ ຫຸ້ນ ຫຼື ຄ່າເງີນ ທີ່ຢູ່ໃນຊ່ວງຂາລົງ ເລີ່ມຈາກແທ່ງທຳອິດເປັນແທ່ງທຽນສີແດງ ທີ່ມີລາຄາປິດຕໍ່າລົງມາຕາມເທຣນຂາລົງກ່ອນໜ້າ ຈາກນັ້ນເກີດແທ່ງທຽນສີຂຽວຕາມມາເປັນແທ່ງທີສອງ ຊິ່ງມີລາຄາປິດທີ່ສູງກ່ອນແທ່ງທຳອິດ ແລະ ຫຼ້າສຸດແທ່ງທີສາມເປັນແທ່ງທຽນສີແດງອີກຄັ້ງ ໂດຍມີລາຄາເປີດທີ່ສູງກວ່າແທ່ງທີສອງ ແຕ່ໃນທີ່ສຸດລາຄາທີ່ປິດລ້າສຸດກັບຕົກໄປຢູ່ໃນລະດັບດຽວກັນ ຫຼື  ໃກ້ຄຽງກັບລາຄາປິດຂອງແທ່ງທຽນແທ່ງທຳອິດ ລັກສະນະນະເຊັ່ນນີ້ຫາກເບິ່ງໃນອີກມຸມ ໂດຍເອົາແທ່ງທຽນທຳອິດ ກັບແທ່ງທີສາມາຮວມກັນກໍ່ຈະເບິ່ງຄ້າຍໆ Inverted hammer ທີ່ເປັນສັນຍານບົງບອກການກັບໂຕຈາກຂາລົງເປັນຂາຂື້ນນັ້ນເອງ ແລ ເພື່ອຄວາມໝັ້ນໃຈຫຼາຍຂື້ນຄວນມີການຢືນຢັນອີກແທ່ງດ້ວຍແທ່ງສີຂຽວ ທີ່ມີລາຄາເປີດເໜືອກວ່າລາຄາປິດຂອງແທ່ງທີສາມທີ່ມີຮູບລັກສະນະເປັນ Marubozu

ຂາລົງ Bearish Stick Sandwich ເປັນຮູບແບບແທ່ງທຽນ 3 ແທ່ງຂອງ ຫຸ້ນ ຫຼື ຄ່າເງີນທີ່ຢູ່ໃນຊ່ວງຂາຂື້ນ ເລີມຈາກແທ່ງທຳອິດເປັນແທ່າງທຽນສີຂຽວທທີ່ມີລາຄາປິດສູງຂື້ນໄປຕາມເທຣນຂາຂື້ນກ່ອນໜ້າ ຈາກນັ້ນເກີດແທ່ງທຽນສີແດງຕາມມາເປັນແທ່ງທີສອງ ເຊິ່ງມີລາຄາປິດທີ່ຕໍ່າກວ່າແທ່ງທຳອິດ ແລະ ຫຼ້າສຸດແທ່ງທີ່ສາມາດເກີດເປັນແທ່ງສີຂຽວອີກເທື່ອນຶ່ງ ໂດຍມີລາຄາເປີດທີ່ຕໍ່າກວ່າແທ່ງທີສອງ ແຕ່ໃນທີ່ສຸດ ລາຄາທີ່ປິດຫຼ້າສຸດກັບຂື້ນໄປຢູ່ໃນລະດັບດຽວກັນ ຫຼື ໃກ້ຄຽງກັບລາຄາປິດຂແງແທ່ງທຽນແທ່ງທຳອິດ ລັກສະນະເຊັ່ນນີ້ ຫາກເບິ່ງໃນອີກມຸງໜຶ່ງໂດຍເອົາແທ່ງທຳອິດກັບແທ່ງທີສາມມ່ຮວມກັນກັບຈະເບິ່ງຄ້າຍຄືກັນກັບ Shooting Star ທີ່ເປັນສັນຍານບົ່ງບອກການກັບໂຕຈາກຂາຂື້ນເປັນຂາລົງ ແລະ ເພື່ອໃຫ້ໝັ້ນໃຈຍິ່ງຂື້ນຄວນມີການຢືນຢັນອີກແທ່ງດ້ວຍແທ່ງທຽນສີແດງ ທີ່ມີລາຄາເປິດຕໍ່າກວ່າລາຄາປິດຂອງແທ່ງທີສາມ ທີ່ມີຮູບລັກສະນະເປັນ Marubozu