ນັກເທຣດຫຼາຍທ່ານເຂົ້າສູ່ວົງການ Forex ດ້ວຍຄວາມຫວັງທີ່ວ່າ ຈະກອບໂກຍກຳໄລຈາກມັນໃຫ້ໄດ້ຫຼາຍທີ່ສຸດ ໂດຍແຕ່ລະທ່ານກໍ່ຈະໃຊ້ເທັກນິກຂອງໃຜລາວໃນການເທຣດ ບໍ່ວ່າຈະເປັນການວິເຄາະ ກຣາບ, ການ Copy Trade ຫຼືວ່າ ການເທຣດຕາມຂ່າວ ແລະ ເທັກນິກອື່ນໆ.

ໃນບົດຄວາມນີ້ ແມ່ນຈະພາບັນດາທ່ານ ມາເບິ່ງ ຂໍ້ດີ ແລະ ຂໍ້ເສຍ ໃນການເທຣດໃນຊ່ວງເວລາຂອງຂ່າວສຳຄັນ.

ຂໍ້ດີຂອງການເທຣດໃນຊ່ວງເວລາສຳຄັນ

ຂໍ້ດີຂອງການເທຣດໃນຊ່ວງເວລາຂ່າວສຳຄັນກໍ່ຄື ສາມາດທີ່ຈະເຮັດກຳໄລໄດ້ຢ່າງມະຫາສານໄດ້ໃນເວລາອັນສັ້ນ ຫຼື ເວົ້າໄດ້ວ່າພຽງໃນລະເວລາຕັ້ງແຕ່ 1 ນານີ ກໍ່ສາມາດທີ່ຈະສ້າງກຳໄລໄດ້ຢ່າງມະຫາສານໄດ້ແລ້ວ ເພາະໃນຊ່ວງເວລາທີ່ຂ່າວສຳຄັນອອກ ກຣາບລາຄາ ທີ່ໄດ້ຮັບຜົນກະທົບຈາກຂ່າວສຳຄັນນັ້ນ ຈະເກີດການແລ່ນໄປໃນທິດທາງໃດທິດທາງນຶ່ງຢ່າງຮຸນແຮງ

ຕົວຢ່າງເຊັ່ນ ໃນວັນສຸກທຳອິດ ຂອງທຸກໆເດືອນຈະມີ ຂ່າວລາຍງານໂຕເລກການຈ້າງງານນອກພາກເສດຖະກິດ ຂອງສະຫະລັດອາເມລິກາ ຫຼື ທີ່ຮູ້ຈັກກັນໃນຊື່ທີ່ວ່າ ຂ່າວ Non-Farm ເຊິ່ງຈະມີເດືອນລະຄັ້ງ ເຊິ່ງທຸກໆຄັ້ງຕົວເລກລາຍງານຂອງຂ່າວນີ້ອອກມາ ຈະເຮັດໃຫ້ ກຣາບລາຄາ ທີ່ມີຄ່າເງິນ USD ຕິດຢູ່ດ້ວຍນັ້ນແມ່ນຈະມີການສະວິງຂອງໂຕເລກທີ່ສູງ ຖ້າຫ້າສາມາດວິເຄາະໄດ້ວ່າລາຄາຈະໄປໃນທິດທາງໃດ ກໍ່ສາມາດສ້າງກຳໄລໄດ້ຢ່າງມະຫາສານໄດ້ໃນເວລາອັນສັ້ນ.

ຂໍ້ເສຍຂອງການເທຣດໃນຊ່ວງເວລາຂ່າວສຳຄັນ

ຂໍ້ເສຍຂອງການເທຣດໃນຊ່ວງເວລາສຳຄັນເຮົາສາມາດເວົ້າໄດ້ວ່າ ຂ້ອນຂ້າງທີ່ຈະຫຼາຍເລີຍກະວ່າໄດ້ ເນື່ອງຈາກມີບັນຫາຕ່າງໆ ທີ່ຈະເຮັດໃຫ້ການເທຣດສັ້ນ ເສຍຫຼາຍກ່ວາໄດ້ ໂດຍທີ່ໄດ້ກ່າວໄວ້ໃນຂໍ້ດີ “ຖ້າຫາກສາມາດວິເຄາະໄດ້ວ່າລາຄາຈະໄປໃນທິດທາງໃດ ກໍ່ສາມາດສ້າງກຳໄລໄດ້ຢ່າງມະຫາສານ”  ໃນທາງກົງກັນຂ້າມ ຖ້າຫາກບໍ່ສາມາດວິເຄາະໄດ້ວ່າລາຄາຈະໄປທາງໃດ ທຶນຂອງເຮົາກໍ່ສາມາດຈະກາຍເປັນ 0 ໄດ້ຢ່າງງ່າຍດາຍເຊັ່ນດຽວກັນ ແລະ ຍັງມີປັດໃຈໃນເລື່ອງ Broker ທີ່ຈະມີເງື່ອນໄຂໃນການເທຣດ ໃນຊ່ວງເວລາຂ່າວອອກ ຕົວຢ່າງເຊັ່ນ ເງື່ອນໄຂຂອງການເພີ່ມລາຄາ Spread ໃຫ້ຫຼາຍຂຶ້ນຊ່ວງຂ່າວອອກ  ເຊິ່ງສົ່ງຜົນໃຫ້ຈະເສຍຄ່າ Commission ໃຫ້ກັບທາງ Broker ຫຼາຍກ່ວາເກົ່າ ຫຼາຍເທົ່າ ແລະ ການເກີດ Requote ໃນຊ່ວງເວລາຂ່າວອອກ ເຊິ່ງຈະສົ່ງຜົນໃຫ້ເກີດການ ເປີດ-ປີດ ອໍເດີນັ້ນ ບໍ່ສາມາດທີ່ຈະເຮັດໄດ້ໃນທັນທີທັນໃດຕາມທີ່ເຮົາຕ້ອງການ ເນື່ອງຈາກຈຳນວນຄົນທີ່ເຂົ້າມາເທຣດຈຳນວນຫຼາຍ ແລະ ເຮັດໃຫ້ການເຮັດວຽກຂອງລະບົບ Server ຂອງ Broker ນັ້ນຫຼ້າຊ້າ ແລະ ອາດຈະສົ່ງຜົນໃຫ້ບໍ່ໄດ້ປິດອໍເດີ ຫຼື ປິດກຳໄລ ຂາດທຶນ ໃນຊ່ວງເວລາທີ່ຕ້ອງການນັ້ນເອງ.

ສະຫຼຸບ

ການເທຣດ Frorex ໃນຊ່ວງເວລາຂ່າວສຳຄັນອອກນັ້ນ ຖ້າໃຫ້ປຽບທຽບກັນ ກໍ່ຈະສັງເກດໄດ້ວ່າຈະມີຂໍ້ເສຍທີ່ຫຼາຍກ່ວາຂໍ້ດີ ເຊິ່ງນັກເທຣດມືອາຊີບສ່ວນຫຼາຍກໍ່ແນາະນຳໃຫ້ ນັກເທຣດໜ້າໃໝ່ ທີ່ຍັງເບິ່ງຕະຫຼາດບໍ່ອອກນັ້ນ ແມ່ນຫຼີກລ່ຽງການເທຣດ Forex ໃນຊ່ວງເວລາໂຕເລກຂ່າວສຳຄັນອອກ ເນື່ອງຈາກການເທຣດ ໃນຊ່ວງເວລານັ້ນເປັນຄືກັບການສ່ຽງດວງ ແຕ່ໃນທາງກັບກັນ ຖ້າຫາກສາມາດທີ່ຈະວິເຄາະຕະຫຼາດໄດ້ຢ່າງແມ້ນຢໍາແລ້ວ  ແລະ ມີ Broker ທີ່ສາມາດເທຣດໃນຊ່ວງເວລາຂ່າວໄດ້ຢ່າງບໍ່ຕິດຂັດ ການເທຣດໃຫ້ໄດ້ກຳໄລຢ່າງມະຫານສານນັ້ນ ກໍ່ຈະບໍ່ແມ່ນເລື່ອງທີ່ຍາກອີກຕໍ່ໄປ ທັງນີ້ກໍ່ຂື້ນຢູ່ກັບເທັກນິກການເທຣດຂອງແຕ່ລະທ່ານ ວ່າຮູບແບບການເທຣດແບບໃດ ແລະ ມີຄວາມຊຳນານຫຼາຍໜ້ອຍພຽງໃດ.

“ຕະຫຼາດແມ່ນບໍ່ເຄີຍຢຸດພັກ ແລະ ເຮົາເອງກໍ່ບໍ່ຄວນທີ່ຈະຢຸດການຮຽນຮູ້”

ແຫຼ່ງທີ່ມາ: https://www.thailandtraderclub.com/index.php/topic,570.0.html