ຈຸດສູງສຸດຕະຫຼອດການ (ATH: All time high) ແມ່ນຫຍັງ?
ATH ຫຍໍ້ມາຈາກ All-Time High ໝາຍເຖິງລາຄາສູງສຸດທີ່ຄູ່ສະກຸນເງິນເຄີຍໄປຮອດ ເມື່ອຄູ່ສະກຸນເງິນຮອດ ATH ໝາຍຄວາມວ່າມັນມີກຳລັງຊື້ຂາຍຢູ່ທີ່ລາຄາທີ່ສູງກວ່າທີ່ເຄີຍມີມາກ່ອນ
ເປັນຫຍັງ ATH ຈຶ່ງສຳຄັນ?
ATH ເປັນຈຸດສຳຄັນໃນຕະຫຼາດ Forex ເພາະມັນບົ່ງບອກເຖິງແນວໂນ້ມຂາຂຶ້ນທີ່ແຂງແກ່ນ, ເມື່ອສະກຸນເງິນຮອດ ATH ໃໝ່ ໝາຍຄວາມວ່າຜູ້ຊື້ ກຳລັງຄວບຄຸມຕະຫຼາດ ແລະ ດັນລາຄາໄປໃນລະດັບທີ່ບໍ່ເຄີຍມີມາກ່ອນ ເຊິ່ງອາດຈະດຶງດູດຜູ້ຊື້ຂາຍ ແລະ ນັກລົງທຶນຫຼາຍຂຶ້ນ ເຮັດໃຫ້ລາຄາສູງຂຶ້ນໄປອີກ
ຕົວຢ່າງຂອງ ATH
ສົມມຸດຄູ່ເງິນ EUR/USD ເຄີຍມີລາຄາສູງສຸດທີ່ 1.2500 ຫາກລາຄາປັດຈຸບັນຂອງ EUR/USD ຂຶ້ນໄປທີ່ 1.2501 ນັ້ນໝາຍຄວາມວ່າມັນຮອດຈຸດ ATH ໃໝ່ ເຊິ່ງບົ່ງບອກວ່າຄູ່ສະກຸນເງິນຢູ່ໃນແນວໂນ້ມຂາຂຶ້ນທີ່ແຂງແຮງ
ສິ່ງທີ່ຄວນເຮັດເມື່ອລາຄາ ຮອດ ຫຼື ໃກ້ ATH
- ປະເມີນທ່າອ່ຽງ:
- ຢືນຢັນທ່າອ່ຽງຂາຂຶ້ນ: ກວດສອບໃຫ້ແນ່ໃຈວ່າ ການເຄື່ອນໄຫວຂອງລາຄາມີພື້ນຖານທີ່ແຂງແກ່ນ ຫຼື ຂໍ້ມູນເສດຖະກິດທີ່ເປັນບວກ ມາສະນັບໜູນຫຼືບໍ່
- ໃຊ້ການວິເຄາະທາງເຕັກນິກ: ກວດສອບ indicator ທາງເຕັກນິກເຊັ່ນ: ຄ່າສະເລ່ຍເຄື່ອນທີ່ (MA, EMA), ດັດສະນີຄວາມແຂງແກ່ນສຳພັນ (RSI), ແລະ MACD (Moving Average Convergence Divergence) ເພື່ອຢືນຢັນຄວາມແຂງແກ່ນຂອງແນວໂນ້ມຂາຂຶ້ນ
- ຈັດການຄວາມສ່ຽງ:
- ຕັ້ງຄຳສັ່ງຢຸດການຂາດທຶນ Stop Loss (SL): ປົກປ້ອງຕຳແໜ່ງຂາດທຶນ ໂດຍການຕັ້ງຄຳສັ່ງ SL ຕ່ຳກວ່າລະດັບ ATH ເພື່ອຈຳກັດຄວາມສູນເສຍທີ່ອາດຈະເກີດຂຶ້ນຫາກລາຄາຍ້ອນກັບ
- ປັບຂະໜາດຕຳແໜ່ງ: ພິຈາລະນາລຸດຂະໜາດຕຳແໜ່ງເມື່ອລາຄາຂຶ້ນໃກ້ ATH ເພື່ອຈັດການຄວາມສ່ຽງ
- ວາງແຜນການອອກ:
- ເຮັດກຳໄລບາງສ່ວນ: ຫາກມີຕຳແໜ່ງຊື້ຢູ່ແລ້ວ ແລະ ລາຄາຮອດ ATH ພິຈາລະນາເຮັດກຳໄລບາງສ່ວນກ່ອນ ເພື່ອຮັກສາກຳໄລ
- ຕັ້ງຄຳສັ່ງຢຸດການຂາດທຶນຕາມທ່າອ່ຽງ: ໃຊ້ຄຳສັ່ງຢຸດການຂາດທຶນຕາມທ່າອ່ຽງ (ຍັບ SL ຂຶ້ນຕາມລາຄາຕາມຄວາມເໝາະສົມ) ເພື່ອປົກປ້ອງກຳໄລໃຫ້ໄດ້ສູງຂຶ້ນ
- ເບິ່ງການທະລຸຂອງລາຄາ:
- ຢືນຢັນດ້ວຍປະລິມານການຊື້ຂາຍ: ການທະລຸລາຄາສູງກວ່າ ATH ພ້ອມກັບປະລິມານການຊື້ຂາຍສູງ ສາມາດບົ່ງບອກເຖິງຄວາມສົນໃຈໃນການຊື້ທີ່ແຂງແກ່ນ ຄວນເບິ່ງການຢືນຢັນນີ້ ກ່ອນເຂົ້າໃໝ່
- ການທະລຸລາຄາທີ່ຜິດພາດ (False Breakouts): ລະວັງການທະລຸລາຄາທີ່ຜິດພາດ ເຊິ່ງລາຄາຈະເຄື່ອນທີ່ຂຶ້ນສູງກວ່າ ATH ຊົ່ວຄາວ ແລ້ວກັບລົງມາ ຢຶນຢັນການທະລຸດ້ວຍຫຼາຍຊ່ວງເວລາ (Time Frame – TF)
- ຕິດຕາມຂ່າວສານ:
- ຕິດຕາມຂ່າວສານເສດຖະກິດ: ຕິດຕາມຂ່າວສານເສດຖະກິດ ແລະ ເຫດການທີ່ອາດຈະມີຜົນກະທົບຕໍ່ຄູ່ສະກຸນເງິນ, ຂ່າວສານທີ່ສຳຄັນສາມາດກະຕຸ້ນການເຄື່ອນໄຫວຂອງລາຄາໄດ້
- ວິເຄາະສະພາບຂອງຕະຫຼາດ (Sentiment Analysis): ປະເມີນສະພາບຂອງຕະຫຼາດ ເພື່ອເຂົ້າໃຈວ່າຜູ້ຊື້ຂາຍອື່ນ ມີມຸມມອງທີ່ເປັນຂາຂຶ້ນ ຫຼື ຂາລົງຕໍ່ຄູ່ສະກຸນເງິນນັ້ນ
ສະຫຼຸບ
ການ ATH ເປັນຊ່ວງເວລາທີ່ໜ້າຕື່ນເຕັ້ນໃນການຊື້ຂາຍ Forex ແຕ່ມັນຕ້ອງມີການວິເຄາະ ແລະ ຈັດການຄວາມສ່ຽງ ທີ່ຮອບຄອບ ໂດຍການປະເມີນທ່າອ່ຽງ, ຈັດການຄວາມສ່ຽງ, ວາງແຜນການອອກ, ເບິ່ງການທະລຸລາຄາ ແລະ ຕິດຕາມຂ່າວສານ ເຊິ່ງຈະສາມາດເຮັດໃຫ້ທ່ານ ນຳທາງຕະຫຼາດໄດ້ຢ່າງໝັ້ນໃຈ ເມື່ອລາຄາຮອດ ຫຼື ໃກ້ ລະດັບສູງສຸດຕະຫຼອດການ.
