ບໍ່ວ່າທ່ານກຳລັງເບິ່ງການເທຣດ Forex ເປັນຊ່ອງທາງໃນການຫາລາຍໄດ້ເສີມ ຫຼື ເປັນງານທີ່ສ້າງລາຍໄດ້ຫຼັກ ຕະຫຼາດ Forex ກໍ່ເປັນໂອກາດທີ່ດີເນື່ອງຈາກເປັນນຶ່ງໃນຕະຫຼາດການເງິນທີ່ມີການຊື້-ຂາຍ ຫຼາຍທີ່ສຸດ ນັກລົງທຶນທັງລາຍໃຫຍ່ ແລະ ລາຍຍ່ອຍຫຼາຍລ້ານຄົນ ຕ່າງເຂົ້າມາຕະຫຼາດໂດຍບໍ່ຮູ້ວ່າໃຜເປັນເຈົ້າຂອງຕະຫຼາດ
ໃນບົດຄວາມນີ້ເຮົາຈະມາເວົ້າເຖິງຜູ້ມີອິດທິພົນເປັນເສົາຫຼັກທີ່ມີຜົນຕໍ່ຕະຫຼາດ Forex ໃນແງ່ມຸມຕ່າງໆ, ຖ້າທ່ານຮູ້ຈັກ ແລະ ເຂົ້າໃຈຜູ້ທີ່ຄຸມຕະຫຼາດແລ້ວ ທ່ານກໍ່ຈະເຂົ້າໃຈວ່າຕະຫຼາດເຄື່ອນໄຫວແນວໃດ ເຮັດໃຫ້ທ່ານສາມາດຄາດການ ການປ່ຽນແປງຂອງລາຄາທີ່ອາດຈະເກີດຂື້ນ ແລະ ໃຊ້ເທັກນິກ Forex ຕາມສະຖານະການນັ້ນໆໄດ້ດີ.
ໃຜຄຸມຕະຫຼາດ Forex?
ເປັນຄຳຖາມທີ່ດີທີ່ມືໃໝ່ຫຼາຍຄົນມັກເບິ່ງຂ້າມ ເຊິ່ງໂດຍປົກກະຕິມີ 4 ກຸ່ມ ຫຼື ເຄືອຂ່າຍຫຼັກທີ່ຄວບຄຸມຕະຫຼາດ ລວມເຖິງວິທີການກຳນົດລາຄາ ແລະ ແນວໂນ້ມເຊິ່ງເປັນເຄືອຂ່າຍຈາກທົ່ວໂລກ ແນ່ນອນວ່າມັນລວມໄປເຖິງທະນາຄານຫຼັກໆ ຂອງເມືອງທີ່ໃຫຍ່ທີ່ສຸດຂອງຕະຫຼາດ Forex ໄດ້ແກ່ ນິວຢອກ, ຊີດນີ, ໂຕກຽວ ແລະ ລອນດອນ
ທະນາຄານສ່ວນໃຫຍ່ມີເຈົ້າຂອງເປັນບໍລິສັດ ແລະ ສະຖາບັນການຄ້າຕ່າງໆ ແຕ່ກໍ່ບໍ່ແມ່ນກຸ່ມນີ້ເປັນຜູ້ດຳເນີນການໃນຕະຫຼາດ ການຄ້າສະກຸນເງິນໂລກເທົ່ານັ້ນ ແຕ່ຍັງມີກຸ່ມອື່ນໆ ທີ່ມີບົດບາດສຳຄັນເປັນເສົາຫຼັກທີ່ຄຸມຕະຫຼາດ Forex
ຢ່າງທີ່ຮູ້ກັນດີ ຄູ່ສະກຸນເງີນ Forex ເປັນໜຶ່ງໃນຕາສານທີ່ມີການຊື້ຂາຍຫຼາຍທີ່ສຸດ ແຕ່ບໍ່ໄດ້ມີໃຜພຽງກຸ່ມໃດກຸ່ມດຽວທີ່ຄວບຄຸມຕະຫຼາດ ແຕ່ແບ່ງອອກເປັນ4 ກຸ່ມຫຼັກໆດັ່ງນີ້:
- ທະນາຄານກາງ ແລະ ສະຖາບັນຂອງລັດ
- ຜູ້ຈັດການການລົງທຶນ ແລະ ກອງທຶນ Hedge Fund ລາຍໃຫຍ່
- ບໍລິສັດຂ້າມຊາດ ແລະ ອົງກອນລະດັບໂລກ
- ນັກລົງທຶນລາຍຍ່ອຍ ຫຼື ຜູ້ປະກອບການ
ຕໍ່ໄປເຮົາມາເບິ່ງນຳກັນແບບລະອຽດວ່າແຕ່ລະກຸ່ມສົ່ງຜົນຕໍ່ການຊື້-ຂາຍ Forex ແບບໃດແດ່
- ທະນາຄານກາງ ແລະ ລັດຖະບານ ມີຫຼັກການດຽວກັນນັ້ນກໍຄື ການເຂົ້າແຊກແຊງຕະຫຼາດ ເພື່ອຄວບຄຸມລາຄາສະກຸນເງິນ ຫຼື ປັບປຽນມູນຄ່າເມື່ອຈຳເປັນ, ກິດຈະກຳຫຼັກຂອງພວກເຂົາ ຄືການຈັດການການຄ້າລະຫວ່າງປະເທດ ດ້ວຍການຖືຄອງຫຸ້ນແລກປ່ຽນພາຍໃນ ແລະ ເບິ່ງແຍງໜ້າທີ່ທາງດ້ານເສດຖະກິດພື້ນຖານ, ທະນາຄານກາງໃຫ້ອັດຕາດອກເບ້ຍ ແລະ ຈັດການກັບການຂຶ້ນລົງຂອງລາຄາສະກຸນເງິນ ເຊິ່ງສົ່ງຜົນກະທົບສຳຄັນຕໍ່ຕະຫຼາດ Forex
- ກອງທຶນ Hedge Fund ແລະ ຜູ້ຈັການການລົງທຶນມັກຈະຊື້ ແລະ ຂາຍສະກຸນເງິນຈຳນວນຫຼາຍຜ່ານຊ່ອງທາງກອງທຶນບຳເນັດ, ບຳນານ, ເງິນບໍລິຈາກ ແລະ ມູນນິທິປະເພດອື່ນໆ ຊ່ວຍໃຫ້ພວກເຂົາເຮັດການເກງກຳໄລໄດ້
- ບໍລິສັດຂ້າມຊາດມີຄວາມກ່ຽວຂ້ອງໃນການເຮັດທຸລະກຳການນຳເຂົ້າ ແລະ ສົ່ງອອກສະກຸນເງີນ ລວມເຖິງສະກຸນເງິນຕ່າງປະເທດເຮັດໃຫ້ພວກເຂົາຊ່ວຍຊໍາລະຄ່າບໍລິການ ແລະ ສິນຄ້າຕ່າງໆໄດ້ ແລະ ເມື່ອເກີດວິກິດຕ່າງໆ ອົງກອນເຫຼົ່ານັ້ນຈະຕ້ອງປ້ອງກັນຄວາມສ່ຽງຈາກອັດຕາແລກປ່ຽນເພື່ອໃຫ້ໝັ້ນໃຈເຖິງຄວາມປອດໄພຂອງສິນຊັບ ແລະ ປະເພດການລົງທຶນອື່ນໆ
- ນັກລົງທຶນລາຍຍ່ອຍເປັນພຽງກຸ່ມຄົນຈຳນວນນ້ອຍໃນຕະຫຼາດ ໂດຍມີການຊື້-ຂາຍ ແລະ ຂາຍຄູ່ສະກຸນເງິນໂດຍໃຊ້ ກົນລະຍຸດ Forex ຫຼາຍໆແບບ ໂດຍອາໃສໂຕບົ່ງຊີ້ທາງເທັກນິກ, ຮູບແບບລາຄາແນວຮັບ ແລະ ແນວຕ້ານອື່ນໆ
ໜ້າທີ່ຂອງຕະຫຼາດ Forex Market ທີ່ມີຜົນໃນລະດັບໂລກ
ຢ່າງທີ່ໄດ້ບອກໄປແລ້ວ ຕະຫຼາດ Forex ນັ້ນມີຄວາມສຳຄັນຫຼາຍ ເປັນເວລາກ່ວາຫຼາຍທົດສະວັດທີ່ຕະຫຼາດ Forex ປ່ຽນຮູບແບບຕ່າງໆທາງທຸລະກິດ ເຫັນໄດ້ຈາກຜົນໄດ້ຮັບຂອງຄວາມຮ່ວມມືລະຫວ່າງບໍລິສັດຕ່າງຊາດບຸກຄົນ ແລະ ສະຖາບັນຕ່າງໆທົ່ວໂລກ
ຕົວກຳນົດມູນຄ່າສະກຸນເງິນ
ອຸປະສົງ ແລະ ອຸປະທານເປັນຕົວກຳນົດຫຼັກຂອງຄ່າເງິນ ໃນຂະນະດຽວກັນມັນກໍ່ບໍ່ແມ່ນປັດໃຈພຽງຢ່າງດຽວທີ່ມີອິດທິພົນຕໍ່ລາຄາສິນຊັບແຕ່ຍັງມີປັດໃຈອື່ນໆໄດ້ແກ່:
- ການພິມພັນທະບັດ
- ລາຄາສິນຄ້າ ແລະ ຄ່າບໍລິການຕ່າງໆໃນຕ່າງປະເທດ
- ສະພາວະທາງການເງິນຂອງປະເທດ
- ສະຖານະການໜີ້ສິນຂອງປະເທດ ແລະ ການເມືອງ
ຍົກຕົວຢ່າງ ການພິມພັນທະບັດເປັນໜຶ່ງໃນວິທີທີ່ສ່ຽງທີ່ສຸດ ໃນການຈັດການກັບເສດຖະກິດທີ່ບໍ່ດີ ເພາະຍິ່ງພິມເງີນອອກມາຫຼາຍ ມູນຄ່າຂອງສະກຸນເງິນກໍ່ຈະຍິ່ງຫຼຸດລົງໄປຫຼາຍເທົ່ານັ້ນ ກົງກັນຂ້າມເມື່ອພິມເງິນຈຳນວນໜ້ອຍມູນຄາມັນຍ່ອມຍິ່ງສູງຂື້ນ
ນອກຈາກນີ້ສະຖານະທາງເສດຖະກິດອາດມີບົດບາດສຳຄັນຫຼາຍເຊັ່ນກັນ ໃນຊ່ວງສະພາວະທົດຖອຍ ຂະນະທີ່ປະເທດປະສົບກັບອັດຕາການວ່າງງານສູງ ການໃຊ້ຈ່າຍຂອງຜູ້ບໍລິໂພກຕໍ່າ ແລະ ບໍ່ມີສັກກະຍາພາບໃນການຂະຫຍາຍທຸລະກິດ ແລະ ການເຕີບໂຕທາງດ້ານເສດຖະກິດ
ປະເດັນທາງການເມືອງ ແລະ ປັດໃຈອື່ນໆ ອາດມີບົດບາດສຳຄັນເຊັ່ນກັນ ແນ່ນອນວ່າຈະຂຶ້ນຢູ່ກັບລະດັບຂອງການມີສ່ວນຮ່ວມທາງການເມືອງ ລະດັບຂອງການຄໍຣັບຊັນ ແລະ ການປະຕິບັດທາງເສດຖະກິດທີ່ຜິດກົດໝາຍທົ່ວໄປທີ່ເກີດຂື້ນ
ແນວທາງການເທຣດ Forex
ເທຣດເດີແຕ່ລະຄົນເລືອກສະຕາຍໃນການຊື້-ຂາຍ ໂດຍຂຶ້ນກັບຄວາມມັກຂອງແຕ່ລະຄົນ ເຖິງຢ່າງໃດກໍ່ຕາມກົນລະຍຸດ Forex ແຕ່ລະແບບຈະຕ້ອງມີເປົ້າໝາຍການຊື້-ຂາຍ ທີ່ຊັດເຈນ ແລະ ວິທີການທີ່ໂປ່ງໃສເພື່ອໃຫ້ບັນລຸເປົ້າໝາຍທີ່ຕ້ອງການ ທ່ານຕ້ອງຮູ້ວ່າ ທ່ານຕ້ອງການຫຍັງຈາກຕະຫຼາດ Forex ແລະ ມີແຜນທີ່ຈະເຮັດຕາມແຜນແນວໃດການເທຣດສະກຸນເງິນແບບບໍ່ມີເປົ້າໝາຍອາດຈະເຮັດໃຫ້ຜົນຮັບບໍ່ໄປຢ່າງທີ່ຫວັງ
ຂັ້ນຕອນເບື້ອງຕົ້ນໃນການເທຣດ
- ເລືອກ Broker Forex ທີ່ໜ້າເຊື່ອຖື ແລະ ໄວ້ໃຈໄດ້
- ຢຶດເທັກນິກການເທຣດ ແລະ ເທຣດຕາມແຜນເລົ່ານັ້ນ
- ໝັ່ນສຶກສາຕະຫຼາດ ວິເຄາະການເທຣດໃນແຕ່ລະຄັ້ງວ່າມີຈຸດດີ ຈຸດອ່ອນແນວໃດ
- ຕັດສິນໃຈຢ່າງຮອບຄອບ ແລະ ເໝາະສົມ ຕາມສະພາບຕະຫຼາດ
ສະຫຼຸບກ່ຽວກັບກຸ່ມອິດທິພົນຕະຫຼາດ Forex
ວິທີດຽວທີ່ຈະເທຣດ Forex ໃຫ້ປະສົບຄວາມສຳເລັດຄືການເຮັດຄວາມເຂົ້າໃຈເຖິງຄວາມຊັບຊ້ອນ ແລະ ຂະບວນການການທັງໝົດຂອງຕະຫຼາດທີ່ສາມາດປ່ຽນແປງໄດ້ຕະຫຼອດເວລາ
ມີນັກເທຣດໃນຕະຫຼາດຈຳນວນຫຼາຍ ແລະ ແຮງຜັກດັນທີ່ມີອິດທິພົນຕໍ່ລາຄາສະກຸນເງິນ ເຊິ່ງເປັນປະເດັນທີ່ມືໃໝ່ຄວນໃຫ້ຄວາມສຳຄັນເພື່ອໃຫ້ສາມາດເທຣດໄດ້ຢ່າງມືອາຊີບ
ແຕ່ທຸກມື້ນີ້ນັກເທຣດສາມາດເຂົ້າເຖິງແຫຼ່ງຂໍ້ມູນ ແລະ ຊ່ອງທາງການສຶກສາ Forex ໄດ້ບໍ່ຮູ້ຈົບເພື່ອຮຽນຮູ້ກ່ຽວກັບຕະຫຼາດ ໃຫ້ໄດ້ຫຼາຍທີ່ສຸດ. ດັ່ງນັ້ນ ເຮົາແນະນຳໃຫ້ທ່ານສຶກສາໃຫ້ຫຼາຍໆ ເພື່ອພັດທະນາການເທຣດຂອງທ່ານໄປສູ່ອີກລະດັບ
Credit: https://mtrading.com/th/education/articles/forex-basics/who-controls-the-forex-market-and-affects-global-currencies-th
