ການອ່ານກຣາຟຖືເປັນທັກສະຈຳເປັນສຳຫຼັບເທຣດເດີ້ທຸກທ່ານ ທີ່ສຳຄັນກຣາຟ Forex ຍັງເປັນໜື່ງໃນເຄື່ອງມືທີ່ສຳຄັນທີ່ສຸດໃນການວິເຄາະປັດໃຈທາງເທັກນິກອີກດ້ວຍ
ກຣາຟຮູບແບບຕ່າງໆ ຈະສະແດງພາບໃຫ້ເຫັນວ່າລາຄາສິນຊັບເຄື່ອນໄຫວຈັ່ງໃດພາຍໃນກອບເວລາທີ່ກຳນົດນອກຈາກນີ້ ຍັງສະແດງການເຄື່ອນໄຫວຂອງລາຄາໃນອະດີດທີ່ໃຊ້ໃນການຄາດການລາຄາໃນອະນາຄົດຕາມສະພາວະຕະຫຼາດຕ່າງໆ
ເມື່ອທ່ານຮູ້ວິທີ່ອ່ານກຣາຟ Forex ແລ້ວທ່ານກໍຈະສາມາດວິເຄາະຄູ່ສະກຸນເງີນຕ່າງໆ ໄດ້ພ້ອມໆ ກັບແນວໂນ້ມແລະຮູບແບບການເຄື່ອນໄຫວ ໂດຍໃນບົດຄວາມນີ້ ເຮົາຈະເວົ້າເຖີງ 3 ປະເພດກຣາຟ Forex ທີ່ນັກເທຣດມືໃໝ່ຄວນຮູ້ແລະໃຊ້ກົນລະຍຸດ Forex.
ກຣາຟ Forex ແມ່ນຫຍັງ?
ກຣາຟ Forex ເປັນເຄື່ອງມືທີ່ຊ່ວຍໃຫ້ເຫັນພາບລາຄາສິນຊັບ ອີກທັງຍັງລວມທຸລະກຳການຊື້–ຂາຍເພື່ອສະແດງອຸປະສົງ ແລະ ອຸປະທານຂອງສິນຊັບ ໂດຍກຣາຟຈະເປັນເຄື່ອງມືທີ່ຄວບຄຸມ ລວມປັດໃຈດ້ານຕະຫຼາດທີ່ແຕກຕ່າງກັນ ເຊີ່ງລວມເຖິງ ຂ່າວສານ ອາລົມຕະຫຼາດ ແລະ ການຄາດການຂອງເທຣດເດີ້ ຫາກສະຖານະການຈີງແຕກຕ່າງຈາກທີ່ຄາດການໄວ້ ລາຄາກໍມີແນວໂນ້ມທີ່ຈະປ່ຽນແປງ.
ການເທຣດ Forex ກ່ຽວຂ້ອງກັບນັກເທຣດໃນຕະຫຼາດຈຳນວນຫຼາຍແລະຜູ້ຫຼີ້ນທີ່ມີຄວາມແຕກຕ່າງກັນ ນອກຈາກນີ້ຍັງມີການໝູນວຽນສະກຸນເງິນທີ່ບໍ່ມີມື້ສິ້ນສຸດ ກຣາຟຈື່ງເປັນເຄື່ອງມືທີ່ມີປະສິດທິພາບຫຼາຍທີ່ສຸດໃນການຕິດຕາມຄວາມເຄື່ອນໄຫວຂອງຜູ້ທີ່ຢູ່ໃນຕະຫຼາດ.
ຮູບແບບກຣາຟ Forex 3 ແບບຫຼັກໆ
ກຣາຟ Forex ຫຼັກໆ ທີ່ນັກເທຣດສ່ວນໃຫຍ່ໃຊ້ໃນການວິເຄາະການເທຣດ Forex ຈະແບ່ງອອກເປັນ 3ແບບຫຼັກໆດັ່ງນີ້:
- ກຣາຟເສັ້ນ (Line chart)
- ກຣາຟແທ່ງ (Bar chart)
- ກຣາຟແທ່ງທຽນ (Candlestick chart)
ນັກເທຣດທີ່ມີປະສົບການມັກຈະໃຊ້ຮູບແບບກຣາຟຫຼາຍໆ ແບບເພື່ອເພີ່ມແນວທາງການ ຊື້–ຂາຍ Forex ໃຫ້ຫຼາຍຂື້ນ
ລອງມາເບີ່ງວ່າກຣາຟແຕ່ລະປະເພດມີຄວາມແຕກຕ່າງກັນແນວໃດ?
1. ກຣາຟເສັ້ນ (Line Chart)
ກຣາຟເສັ້ນເປັນຮູບແບບທີ່ງ່າຍໃນການອ່ານແລະ ເຮັດຄວາມເຂົ້າໃຈ ເປັນກຣາຟເສັ້ນງ່າຍໆ ດັ່ງນັ້ນ ນັກເທຣດທຸກລະດັບຈະສາມາດອ່ານກຣາຟນີ້ໄດ້ບໍ່ຍາກ ໃຊ້ເພື່ອ ຕິດຕາມລາຄາປິດໃດໜຶ່ງ ໄປລາຄາຖັດໄປ.
ນັກເທຣດຈະໃຊ້ກຣາຟເສັ້ນເພື່ອເບິ່ງວ່າລາຄາສິນຊັບເຄື່ອນໄຫວໂດຍທົ່ວໄປໃນຊ່ວງເວລາໜຶ່ງ, ຂໍ້ເສຍຫຼັກໆຄືກຣາຟເສັ້ນສະແດງສະເພາະການເຄື່ອນໄຫວທົ່ວໄປໂດຍບໍ່ມີຂໍ້ມູນທາງເລິກຂອງຕະຫຼາດທີ່ສະເພາະເຈາະຈົງ ທ່ານຈະຮູ້ລາຄາປິດແຕ່ບໍ່ສາມາດເບິ່ງເຫັນສີ່ງທີ່ມີອິດທິພົນຕໍ່ລາຄານັ້ນແທ້ໆ ຫຼື ສິ່ງທີ່ເກີດຂື້ນພາຍໃນກອບທີ່ກຳນົດ. ເວົ້າງ່າຍໆ ຄືກຣາຟເສັ້ນຈະໃຫ້ມູມມອງໃນພາບນ້ອຍໆເທົ່ານັ້ນ
2. ກຣາຟແທ່ງ (Bar Chart)
ເປັນຮູບແບບກຣາຟທີ່ຊັບຊ້ອນຂື້ນມາ ເນື່ອງຈາກຈະໃຊ້ໃນການຕິດຕາມທັງລາຄາ ເປີດ–ປິດ ສິນຊັບຂອງຄູ່ສະກຸນເງີນນອກຈາກນີ້ ນັກເທຣດສາມາລະບຸລາຄາສູງ–ຕຳ່ຕະຫຼອດຈົນຊ່ວງລາຄາໃນຊ່ວງເວລາທີ່ຕ້ອງການໄດ້.
ກຣາຟແທ່ງອາດມີຂະໜາດຕ່າງກັນແລະຢູ່ທາງກາງ ທາງລຸ່ມ ຫຼື ທາງເທິງຂອງກຣາຟ ແຖບທາງລຸ່ມສະແດງລາຄາສິນຊັບຕຳ່ສຸດທີ່ຊື້ຂາຍໃນຊ່ວງເວລາທີ່ກຳນົດແຖບທາງເທິງສະແດງລາຄາສູງສຸດ ໃນຂະໜະທີ່ແຖບແນວຕັ້ງສະແດງຊ່ວງການຊື້–ຂາຍຂອງຄູ່ສະກຸນເງີນ ຫາກທ່ານເຫັນກຣາຟແທ່ງຂະໜາດໃຫຍ່ ສະແດງວ່າລາຄາມີຄວາມຜັນຜວນແລະຄວາມຜັນຜວນຂອງລາຄານັ້ນເພີ່ມຂື້ນໃນທາງຕົງກັນຂ້າມ ເມື່ອກຣາຟແທ່ງນ້ອຍລົງໝາຍຄວາມວ່າການເຄື່ອນໄຫວຂອງລາຄາຈະຄົງທີ່ຂື້ນ.
ກຣາຟແທ່ງແຕ່ລະແທ່ງຈະສະແດງເຖີງກອບເວລາທີ່ສະເພາະເຈາະຈົງ ອາດເປັນນາທີ ໜື່ງຊົ່ວໂມງ ໜື່ງມື້ ຫຼື ໜື່ງອາທິດກໍໄດ້ ດັ່ງນັ້ນ ທ່ານຈະຕ້ອງຮູ້ໃຫ້ແນ່ຊັດວ່າແຖບທີ່ເລືອກໝາຍເຖິງຊ່ວງເວລາໃດ ບໍ່ສະນັ້ນ ທ່ານຈະບໍ່ສາມາດອ່ານກຣາຟໄດ້ຢ່າງຖືກຕ້ອງ
3. ກຣາຟແທ່ງທຽນ (Candlestick)
ກຣາຟແທ່ງທຽນເປັນຮູບແບບກຣາຟແທ່ງທີ່ຊັບຊ້ອນຫຼາຍຂື້ນ ໂດຍສະແດງຂໍ້ມູນທີ່ຄ້າຍຄືງກັນ ແຕ່ກໍມີຄວາມແຕກຕ່າງກັນເລັກນ້ອຍເນື່ອງຈາກຈະເປັນກຣາຟແທ່ງທີ່ສະແດງຂໍ້ມູນລະອຽດຫຼາຍຂື້ນ ອ່ານງ່າຍຫຼາຍຂື້ນ ທີ່ກຣາຟແທ່ງທຽນອ່ານງ່າຍກໍເພາະວ່າມີສີທີ່ແຕກຕ່າງກັນຊັດເຈນ ເຊິ່ງທີ່ເຂົ້າໃຈກັນເປັນຫຼັກສາກົນກໍຄືສີຂຽວກັບສີແດງນັ້ນເອງ ເຮັດໃຫ້ນັກເທຣດ Forex ເຫັນພາບຕະຫຼາດຂາຂື້ນ–ລົງໄດ້ງ່າຍແລະໄວຍິ່ງຂື້ນ:
- ຫາກແທ່ງທຽນເປັນສີແດງ ໝາຍຄວາມວ່າ ລາຄາປິດຂອງຄູ່ເງີນນັ້ນໆ ຕຳ່ກວ່າລາຄາເປີດ
- ຫາກແທ່ງທຽນເປັນສີຂຽວ ໝາຍຄວາມວ່າ ລາຄາປິດຂອງຄູ່ເງີນນັ່ນໆ ສູງກວ່າລາຄາເປີດ
ຮູບແບບກຣາຟແທ່ງທຽນຈະເປັນການສະແດງຂໍ້ມູນຕະຫຼາດໃນຮູບແບບກຣາຟແບບລະອຽດ ໂດຍກຣາຟແຕ່ລະປະເພດຈະມີລັກສະນະສະເພາະທີ່ນັກເທຣດຕ້ອງຮູ້ຕ້ອງເຂົ້າໃຈວິທີຕີຄວາມແລະອ່ານກຣາຟ ເພື່ອໃຫ້ສາມາດວິເຄາະກຣາຟເທັກນິກໄດ້ໃນທີ່ສຸດ
ສະລຸບກ່ຽວກັບຮູບແບບກຣາຟ Forex
ດ້ວຍກຣາຟ Forex ທີ່ມີລັກສະນະແຕກຕ່າງກັນ ນັກເທຣດ ຈະເຫັນພາບລວມຕະຫຼາດທີ່ລະອຽດຫຼາຍຂື້ນ ແລະສາມາດດຶງຂໍ້ມູນໃນອາດີດແລະປຽບທຽບກັບສະພາວະຕະຫຼາດປັດຈຸບັນເພື່ອຄາດການໄດ້ຢ່າງແມ້ນຍຳ ຍິ່ງໄປກວ່ານັ້ນກຣາຟບາງແບບຍັງໃຫ້ຂໍ້ມູນເຊິງລຶກແກ່ນັກເທຣດໃນຕະຫຼາດທີ່ຈຳເປັນໃນການຕັດສິນໃຈວ່າລາຄາຈະເຄື່ອນໄຫວຕໍ່ໄປແບບໃດ.
ຮູບແບບກຣາຟ 3 ປະເພດຫຼັກໆ ໄດ້ແກ່ ກຣາຟເສັ້ນ, ກຣາຟແທ່ງ ແລະ ກຣາຟແທ່ງທຽນ ເຊີ່ງບາງແບບກໍອ່ານງ່າຍເຂົ້າໃຈໄດ້ທັນທີ ຂະໜະທີ່ບາງແບບກໍອາດມີຄວາມຊັບຊ້ອນຂື້ນມາ ແຕ່ກໍໃຫ້ຂໍ້ມູນທີ່ລະອຽດກວ່າໃນກອບເວລາຕ່າງໆໂດຍກຣາຟທີ່ນິຍົມຫຼາຍທີ່ສຸດຄົງໜີບໍ່ພົ້ນ ກຣາຟແທ່ງທຽນເນື່ອງຈາກອ່ານງ່າຍ ໃຫ້ຂໍ້ມູນລະອຽດ ບອກໄດ້ທັງລາຄາສິນຊັບແລະອາລົມຕະຫຼາດເລີຍ
Source: https://mtrading.com
